ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
17 августа 2015, 11:19

Абый улууһугар сүөһү аһылыгын бэлэмнээһиҥҥэ ыксаллаах быһыы-майгы режимэ киллэрилиннэ


Атырдьах ыйын 14 күнүгэр Абыйга сүөһү аһылыгын бэлэмнээһиҥҥэ улуустааҕы оперативнай штаб мунньаҕа буолла. Мунньахха икки боппуруос көрүлүннэ: улууска сүөһү аһылыгын бэлэмнээһиҥҥэ ыксаллаах быһыы-майгы режимин киллэрии уонна сүөһү концентрированнай аһылыгын (тууһу, комбикорму, эбиэһи) булан аҕалыы туһунан.

Боппуоруостары ырытан, санаана үллэстэн баран, мунньах кыттыылаахтара Абый улууһун сиригэр-уотугар сүөһү аһылыгын бэлэмнээһиҥҥэ ыксаллаах быһыы-майгы режимин киллэрэр туһунан быһаарыы ылыннылар. Онон сиэттэрэн нэһилиэктэр баһылыктарыгар (Шкулев В.А., Томская А.А., Ефимов И.И., Катанов В.А., Корякин И.Л.): оттооһуҥҥа мобильнай биригээдэлэри тэрийэллэригэр, үлэ хаамыытын кытаанах хонтуруолга ылалларыгар, атырдьах ыйын 18 күнүгэр диэри улуус дьаһалтатын, нэһилиэк сэбиэтин, тыа хаһаайыстыбатын управлениетын бэрэстэбиитэллэрэ кыттыылаах хамыыһыйа тэрийэн ходуһалары сирийэн көрөргө, ону хаартыскаҕа түһэрэн, иэнин ыйан туран төһө бырыһыана ууга барбытын ыйан, схематын СР Тыатын хаһаайыстыбатын министерствотыгар ыытарга суһаллык оҥорон киллэрэллэригэр ыйылынна.

Иккис боппуруоска тыа хаһаайыстыбатын бородууксуйатын оҥорооччулары өйүүр улуустааҕы хамыыһыйаҕа 2015 сылга сүөһү аһылыгын бэлэмнээһин хампаанньатын тэрийиигэ республика бюджетыттан транферт ылааччылары сүүмэрдээһиҥҥэ Абый улууһугар анаан сүөһү сиир тууһун ыларга сайаапка түһэрбит тыа хаһаайыстыбатын табаарын оҥорооччуну өйүүрүгэр; тыа хаһаайыстыбатын управлениетыгар «Сайсары» ААО-тан сүөһү концентрированнай аһылыгын атыылаһыыга үлэни ыытарыгар, ону Үрүҥ Хайаҕа диэри аҕалтарыы, харайыы боппуруоһун быһаарарыгар этилиннэ.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 746 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ