- 70 кг диэри ыйааһыннаах аҕыс бөҕөс күөх кырыһы тоҕута тирэнэн тустан тилигирэтистилэр. Манна Муоматтан сылдьар күтүөт уол Егор Попов бэрт кимиилээх тустууну көрдөрөн Өктөм ыччатын Илья Шишигини охторон бастаата. Үһүс миэстэни икки киһи ылла, - Дьөппөн «Богомоева» бурят уола Очир Очиржапов уонна Олег Абрамов. 70 үөһэ ыйааһыҥҥа эдэрдии эрчимин ыһыкта илик эдэрдэри наар эксээмэнниир Вячеслав Константинов күн көрөн турдаҕына кыайда. Киниэхэ дьоһуннаах утарсыыны Нөмүгүттэн Владимир Трофимов оҥордо уонна иккис миэстэҕэ таҕыста. Үһүс миэстэни аатырбыт Сахаачча дойдутуттан Амматтан Георгий Окороков ылла.
- Мас тардыһыытыгар күүстээх мадьынылар ох курдук оҥостон, кустук курдук куоһанан ким күүстээҕин тургутустулар. 70 кг.ыйааһыннаахтарга эрэллээхтик Уулаах Аантан Айаал Аянитов маһын кимиэхэ да биэрбэккэ бастаата. Иккис миэстэҕэ сахалыы ыстаныыларга спорт маастара Еремей Ильин таҕыста. Үһүс миэстэҕэ Нөмүгүттэн Илья Данилов тигистэ. 70 кг. үөһэ ыйааһыннаахтарга хапсаҕайдаһан тустууга иккис буолбут Владимир Трофимов бу сырыыга бастаата. Покровскайтан Иван Иванов иккис, Николай Сакердонов үһүс буоллулар. Дьэ, ити курдук Улуу Кыайыы 70 сыллаах үөрүүлээх үбүлүөйдээх ыһыах күүстээхтэрэ билиннилэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети