ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
31 декабря 2015, 10:40

Саҥа дьылга дьону көнньүөрдээри


Таатта улууһун олохтоохторо сыллата Саҥа дьылга болҕомтону тардар, киһини сэргэхситэр туох эрэ ураты сүүрээни толкуйдаан киллэрэллэр.

photoByWidth&id=53431&width=1000

Уолба олохтооҕо Михаил Боппосов балбааҕынан сыл бэлиэтин оҥорон дьону-сэргэни сөхтөрөр буолбута номнуо сүүрбэччэ сыл буолла. Быйыл Михаил Трофимович көрдөөх эбисийээнэлэринэн бар дьонун үөртэ.

Онтон боробуллар тэлгэһэни араастаан киэргэтиигэ, хаарынан кыылы-сүөлү, остуоруйа геройдарын оҥорууга күрэстэһиилэрэ сыллата кэҥиир. Манна Саҥа дьыл түүн хас ыал тэлгэһэтин аайы араас өҥнөөх муус чүмэчилэр сандаараллар, күнүһүн хаар лабириннарга оҕо-аймах сырсар, сыыртан сырылыы оонньуур. Маны сэргэ, кинилэр куоскаларын, ыттарын киэргэтэр буоллахтарына, быйыл аны хороҕор муостаахтарын мөһүүрэнэн, харыйа оонньуурунан анаан киэргэппиттэр.

- Барыбытын аһатан олорор сүөһүлэрбит барахсаттар Саҥа дьыл  кэлэн иһэрин эмиэ биллиннэр, -- дэһэллэр олохтоохторо үөрэ-көтө. Анаан киэргэппит хороҕор муостаахтара ойбоҥҥо уулуу бардахтарына, дьон-сэргэ көрөн олус көнньүөрэрин, биһириирин этэллэр.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 748 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ