РИАЦЭМ дириэктэр Лена Волкова бэлиэтээбитинэн, өрүс уута «кирдээх», «аһара киртийбэтэх» диэн таһымнарга турар. Ууну ыраастыыр тэрилэ суох нэһилиэнньэлээх пууннар тастарыгар өрүс уутун үрдэ кирдээҕэ бэлиэтэнэр.
«Өлүөнэ өрүс туһугар» общественнай экологическай хамсааһын бэрэстэбиитэлэ Иван Сивцев Өлүөнэ өрүс уута олус киртийбитин курдук сабаҕалааһынын кытта Лена Волкова сөпсөспөтө.
Кини айылҕа харыстабылын министиэристибэтэ өрүс кыйа баар нэһилиэнньэлээх пууннарга канализацияны ыраастыыр тэриллэри туруорары куруук туруорсарын ыйда. Онуоха анаан 2009 сыллаахха «Ыраас уу» өрөспүүбүлүкэтээҕи бырагырааманы оҥорбута.
Бөдөҥ нэһилиэнньэлээх пууннар Өлүөнэ өрүс уутун үрдүн хаачыстыбатыгар эрэ буолбакка, сир экосистиэмэтигэр куһаҕаннык дьайаллар. Ити туһунан Хоту сир прикладной экологиятын институтун физико-химическэй аналиһын лабораториятын сэбиэдиссэйэ Яна Легостаева эттэ. Өлүөнэ өрүс орто тардыытыгар, элбэх киһи олохсуйбут сиригэр ити оччо бэрдэ суох балыһыанньа бэлиэтэнэр. Уу биологическай ресурсатын туругун туһунан сүрүн иһитиннэриини «Госрыбцентр» Саха сиринээҕи филиалын салайааччыта Филипп Жирков кэпсээтэ. Өрүс пароходствотын салайааччытын солбуйааччы Евгений Кейсевич тэрилтэ айылҕа харыстабылыгар ыытар үлэтин туһунан кэпсээтэ.
Ленскэйгэ баар «Саханефтегазсбыт» нефтебазаҕа ураты болҕомто ууруллуохтааҕын, тэрилтэ өрүс кытыытын ньиэбинэн киртитэрин ыйдылар. Мунньахха этиллибит санаалары, этиилэри мунньан коллегия резолюциятыгар киллэрдилэр.
Комментарии
Авторизация на сайте через социальные сети