Үөрүүлээх түгэҥҥэ оройуон дьаһалтатын салайааччылара – баһылык Петр Черемкин, баһылыгы солбуйааччы Владимир Егоров, оройуон кылаабынай архитектора Ирина Соркомова сырыттылар. Соболоох нэһилиэгин дьаһалтатыттан дьиэ күлүүһүн сүрүннүүр специалист Артем Хабаров тутта уонна квартиралар күлүүстэрин саҥа дьиэ хаһаайыттарыгар туттарда.
Саҥа дьиэ олохтоохторо Мария уонна Владимир Хабаровтар, Евдокия Березкина, Октябрина Лыткина, о.д.а. маһынан оттуллар дьиэлэриттэн кииннэммит ититиилээх толору хааччыллыылаах дьиэҕэ киирбиттэриттэн улаханнык үөрбүттэрин эттилэр уонна дьиэни олоххо киллэрбит оройуон салайааччыларыгар, тутааччыларга барҕа махталларын тириэртилэр.
Икки этээстээх 8 квартиралаах дьиэ икки сыл тутуллан олохтоохторго аанын арыйда. Соболоох олохтоохторо саҥа дьиэҕэ киирбит биир дойдулаахтарын үөрүүлэрин үллэстэн, эҕэрдэлээн бардылар.
Комментарии
Авторизация на сайте через социальные сети