ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
23 июня 2015, 09:40

Орто Халыма улууһун Иккис Мээтис нэһилиэгэр „Ийэҕэ махтал“ сквер арылынна

Орто Халыма улууһун Иккис Мээтис нэһилиэгэр бэс ыйын 20 күнүгэр “Ийэҕэ Махтал” сквер үөрүүлээх быһыыга-майгыга арылынна. Бу орто туруу бараан дойдуга кыыс оҕо Ийэ буолар аналлаах. Онон Ийэҕэ сүгүрүйүү хайа баҕарар омукка туспа үрдүк култуура буолар.

photoByWidth&id=37567&width=1000

Ийэҕэ махталы биллэрэр инниттэн сквери тутуу бүгүн эрэ буолбакка, урут-уруккуттан баар санаа. Онон сыбаатайдар өр сылларга иитиэхтии сылдьыбыт санааларын олоххо киллэрэн, быйыл бары силигэ ситэн, самаан сайын сатыылаан турар кэмигэр нэһилиэккэ өссө биир бэлиэ тутуу олоххо киирдэ.

Нэһилиэк баһылыга Иннокентий Колесов кэпсииринэн, маҥнай сөптөөх сири көрдөөбүттэр. Толкуйдаан баран, урут бастакы балыыһа турбут сиригэр оҥорорго быһаарыммыттар. История кэрэһилииринэн, бу балыыһаҕа бастакы оҕонон 1942 сыллаахха муус устар 22 күнүгэр И.И.Винокуров күн сирин көрбүт. Ол кэмтэн ыла, саҥа балыыһа тутуллан үлэҕэ киириэр диэри, манна элбэх ыччат төрөөн-ууһаан нэһилиэктэригэр олороллор. Онон балыыһа турбут сиригэр бу сквер турара табыгастааҕынан ааҕыллан, бэлэмнэнии үлэтэ саҕаламмыт.

Ийэҕэ махтал” сквергэ нэһилиэк икки Герой Ийэтин: Анна Михайловна Тырылгина уонна Дария Ильинична Тырылгина мраморга түһэриллибит мэтириэттэрэ туруорулунна. Ону кытта I, II, II истиэпэннээх “Ийэҕэ Албан Аат” уордьаннаахтар ааттара сурукка тиһилиннэ.

Сквери үөрүүлээх быһыыга-майгыга арыйыы кэмигэр Анна Михайловна, Дария Ильнична Тырылгиналар сиэннэрэ, хос сиэннэрэ тыыннаах сибэккилэри олордон өбүгэлэригэр ытыктыылларын, кинилэр сырдык кэриэстэригэр сүгүрүйэллэрин биллэрдилэр.

Уһунугар манна көҕүрдүү үлэтэ ыытыллара былааннанар. Сотору кэминэн волонтёр оҕолор сир кырсын аҕалан тэлгиэхтэрэ. Ситэрии, салгыы тупсарыы үлэтэ инникитин өссө да ыытыллыахтара турдаҕа.

Бу курдук олус дириҥ ис хоһоонноох уонна саамай сүрүнэ — ыччаты иитиигэ туһуламмыт үйэлээх тутуу нэһилиэккэ баар буолла.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 806 Источник: ЯСИА Автор: Анфиса Белоногова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ