ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
24 июля 2015, 10:51

Быраабы араҥаччылыыр уорганнар иһитиннэрэллэр


Дьүөгэтин өлөрүүгэ уорбаланар. От ыйын 13 күнүгэр Нерюнгри куоракка биир дьиэ олохтоохторо полицияҕа эрийэн, ыалларын кыбартыыратыттан амырыын сыт кэлэрин туһунан эппиттэр.

Оперативниктар ол ыйыллыбыт аадырыска тиийэн, кыбартыыра биир хоһугар, дьыбаан таҥас угар сиригэр дьахтар өлүгүн булбуттар. 32 саастаах дьиэ хаһаайкатын өлүгүн полиэтилеҥҥэ суулаан баран, скотчунан эрийбиттэр. Дьахтар моонньугар аата-ахса суох элбэхтик быһаҕынан анньыллыбыт. Бу чахчынан РФ Холуобунай кодексатын 105-с ыст. 1 чааһынан, ол эбэтэр, киһини соруйан өлөрүү бэлиэтэ баарынан, холуобунай дьыала тэриллибит.

Суһал-ирдиир тэрэһиннэр кэмигэр оперативниктар бу өлөрүүгэ уорбалаан 25 саастаах кыыһы, өлүөхсүт дьүөгэтин туттулар. Кыыс буруйун билиммит уонна накаастабылы сүгэргэ бэлэмин биллэрбит.

Силиэстийэ барыллаан быһаарыытынан, дьүөгэлиилэр бэс ыйын 20-23 күннэригэр сыта-тура арыгылаабыттар. Иһэ-аһыы олорон, буоларын курдук, кыыһырсан турбуттар. Онуоха дьиэлээх дьахтар быһаҕы ылан, ыалдьытын хаҥас илиитигэр анньыбыт. Эдэрэ ол быһаҕы хаба тардан ылан, хаһаайканы буолунайда анньан, миэстэтигэр өлөрбүт. Дьүөгэтэ өлбүтүн көрөн, муостаҕа халыйбыт хааны сууйбут, өлүгү полиэтилеҥҥэ суулаан баран, дьыбаан иһигэр симпит уонна атахха биллэрбит. Уорбаланааччы хаайылынна. 

Албыннаары, дьыалаҕа эриллибит 

Киһи сонньуйар дьыалата Ньурба улууһугар буолбут.

От ыйын саҥатыгар Ньурба полициятыгар 26 саастаах киһи эрийэн, тэлэбиисэрин уорбуттарын туһунан иһитиннэрбит. Полицейскайдар ити иһитиннэриини бэрэбиэркэлээбиттэрэ – бу киһи олох даҕаны тэлэбиисэрин бэйэтэ атыылаан баран, ол харчытыгар арыгы атыыласпыт буолан тахсыбыт. Тэлэбиисэри атыылаабытын иһин дьоно мөҕүөхтэриттэн куттанан, ити сымыйа тыллабыр оҥорбут эбит.

Оттон буруй оҥоһуллубутун туһунан сымыйа иһитиннэрии оҥордоххо, холуобунай эппиэккэ тардыллыахха сөп. Бу чахчынан РФ Холуобунай кодексатын 306-с ыстатыйанан дьыала тэриллибит. Бу ыстатыйанан көрүллэр накаастабыл миэрэ – 120 тыһ. солк. диэри суумалаах ыстараап биитэр икки сылга диэри көҥүлү быһыы.

При частичном или полном использовании материалов гиперссылка на сайт ysia.ru обязательна.
Категория: Происшествия Просмотров: 881 Источник: Газета "Саха Сирэ" Автор: Вера Макарова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ