ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
17 сентября 2015, 15:33

Сир аһын астыырга – үтүө сүбэһит кинигэ


«Саха сиринээҕи Бэчээт тиэргэнэ-2015» IX регионнар икки ардыларынааҕы быыстапка-дьаарбаҥкаҕа «Бичик» кинигэ кыһатын стендэтигэр саамай элбэх киһи тоҕуоруста. Үгүстэр элбэх дьэрэкээн ойуулаах, ураты оҥоһуулаах оҕону сайыннарар-оонньотор кинигэ атыыластылар, икки күн устата солбуһа сылдьан 26 биһиги кэммит биллэр суруйааччылара, кинигэлээх ааптардар кэлэн автограф-сессия биэрдилэр.

Ааҕааччылар сэргээбит айымньыларын ааптарын тус сирэй көрсөн, кэпсэтэн, кинигэтигэр өйдөбүнньүк илии баттатан астынан-дуоһуйан тарҕастылар. «Кружало» киирэр аанын таһыгар ыалдьыттары «Билиичээн» диэн улахан кээмэйдээх хаама сылдьар кинигэ-куукула көрүстэ. Оҕо-аймах былдьаһа сылдьан хаартыскаҕа түһэн үөрүүлэрэ өссө үрдээтэ.

photoByWidth&id=44711&width=1000

       Онтон бу кинигэ сүрэхтэниитин үгүс дьон ордук долгуйа күүттэ. Амматааҕы лицей технологияҕа учуутала, СӨ үөрэҕириитин туйгуна, РФ уопсай үөрэхтээһинин Бочуоттаах үлэһитэ, сатабыллаах асчыт Марианна Трифонова «Блюда из ягод Якутии» диэн остуолга турар кытаанах хордуон оҥоһуулаах, элбэх чаҕылхай хаартыскалардаах кинигэтин биһирэмэр көрөөччүлэри сир аһыттан астаммыт араас минньигэс бүлүүдэлэринэн күндүлээтэ.

photoByWidth&id=44712&width=1000

photoByWidth&id=44726&width=1000

Кыргыттар подунуоска ууран ыалдьыттарга отонноох эти, отон соустаах тылы, дьэдьэннээх күөрчэҕи, дөлүһүөн утаҕын, минньигэс бөрүөгү, черемуха кваһын о.д.а сир аһынан тумаламмыт аһы утары ууннулар. Ас амтаннааҕын, иҥэмтэлээҕин, битэмииннээҕин, минньигэһин сатабыллаахтык астыыр Далбар Хотун «Блюда из ягод Якутии» кинигэтэ хайдах суруллубутун кэпсии-кэпсии бэрт түргэнник моонньоҕонноох балык салаатын астаан көрдөрдө.

photoByWidth&id=44727&width=1000

       Кини кинигэтин ситэрэн-хоторон, силигин тупсаран “Бичик» кинигэ кыһата таһаарбыта. Дириэктэр Август Егоров, аатырбыт асчыт Иннокентий Тарбахов, СӨ үөрэҕириитин үтүөлээх үлэһитэ, Учууталлар учууталлара Петр Кондратьев, кинигэни сахалыы тылбаастаабыт Раиса Сибирякова-Аайа, үөрэппит оҕолоро Марианна Ивановнаны эҕэрдэлээн туран, баҕа санаа бастыҥын, үтүө санаа үтүмэнин эттилэр.

 

 

   

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 786 Источник: ЯСИА Автор: Марианна Тыртыкова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ