3 этээстээх, 2 подъезтаах, 1670,25 кв.м иэннээх, 38 квартиралаах дьиэ тутуллуо. Уопсайа 105 006 082, суума көрүлүннэ, онтон 24 714 690,27 солк. федеральнай бюджеттан, 6 894 013,0 солк. СР бюджетыттан, 2 204 602,09 «Ленскэй нэһилиэк» МТ бюджетыттан уонна бюджеты таһынан 71 192 776,96 солк. 7 элбэх квартиралаах дьиэттэн көһөн кэлиэхтэрэ: 2 №-дээх Комсомольская, 20, 31 №-дээх М. Аммосова аатынан, 8 №-дээх Октябрьская, 34, 44, 45 №-дээх Чернышевскай аатынан уулуссалар.
Саха сиэринэн алгыс сиэрин-туомун Петр Охлопков ыытта. Үөрүүлээх тэрээһиҥҥэ «Ленскэй нэһилиэк» МТ баһылыга Андрей Новгородов, баһылыгы тутуу, энергетика, олох-дьаһах хаһаайыстыбатыгар солбуйааччы Павел Федоров, «Намстрой» тэрилтэ ген. директора Вадим Кутуков, «СЕЗ» МКУ директора Александра Алексеев тыл эттилэр. Тутуллуохтаах саҥа дьиэ хаачыстыбалаах, сылаас, үйэлээх буоллун диэн туран Саха сирин тоҥ буорун тобулар бастакы сваяҕа тутааччылар үгэстэрин тутуһан шампанскайы үлтүрүттүлэр уонна бары бииргэ хаартыскаҕа түһэн үөрэн-көтөн тарҕастылар.
Комментарии
Авторизация на сайте через социальные сети