Конференция кэмигэр СӨ доруобуйа харыстабылын миниистирэ Александр Горохов бастыҥ эмчиттэргэ өр сыллаах сыралаах үлэлэрин иһин наҕараадалары туттарда.
СӨ Доруобуйа харыстабылын министиэристибэтин штаты таһынан кылаабынай нейрохирурга Станислав Черемкин 1960-с сылларга тэриллибит сулууспа историятын сырдатта.
Евдокимов аатынан судаарыстыбаннай университет нейрохирургияҕа уонна нейрореанимацияҕа кафедратын сэбиэдиссэйэ, Н.В. Склифосовскай аатынан суһал көмө научнай-чинчийэр институтун суһал нейрохирургияҕа отделениетын салайааччыта, РМНА академига. м.н.д., профессор Владимир Крылов Саха сиригэр баар биир идэлээхтэрин 50 сыллаах юбилейынан эҕэрдэлээтэ. Кини Саха сиригэр төбө мэйиитин аневризмыгар эпэрээссийэлэр, Москваҕа уонна Санкт-Петербурга тэҥнээтэххэ, элбэхтик оҥоһуллалларын бэлиэтээтэ.
– Эһиги өрөспүүбүлүкэҕитигэр аныгы диагностиканы оҥорорго медицинскэй тиэхиньикэнэн сэбилэнии сөптөөҕөр итэҕэйдим. Манна уустук уонна үрдүк таһымнаах эпэрээссийэлэри оҥоруохха сөп эбит. Саха сирин хирурдара үчүгэй бэлэмнээхтэр уонна «көмүс» илиилээхтэр»! – диэн бэйэтин этиитин түмүктээтэ.
Комментарии
Авторизация на сайте через социальные сети