ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
27 ноября 2015, 16:19

Мэҥэ-Хаҥаласка ыытыллар Ыччат нэдиэлэтин чэрчитинэн «Дьиэ кэргэн эйгэтэ» диэн «төгүрүк остуол» тэрилиннэ


Сэтинньи 23‒29 күннэригэр Мэҥэ-Хаҥаласка Ыччат нэдиэлэтэ ыытылынна. Араас сонун ис хоһоонноох тэрээһиннэргэ улуус көхтөөх ыччаттара муһуннулар. Сэтинньи 23 күнүгэр И.М.Сосин аатынан улуустааҕы киин библиотекаҕа «Сайдар-үүнэр тускуллардаах, сарсыҥҥыга сардаҥалаах Мэҥэм сирин ыччата» диэн Ыччат нэдиэлэтин чэрчитинэн «Дьиэ кэргэн эйгэтэ» диэн «төгүрүк остуол» тэрилиннэ.
Тэрээһиҥҥэ Майаттан, Мэлдьэхситтэн, Нуораҕанаттан, Тыыллыматтан уо.д.а. нэһилиэктэртэн эдэр ийэлэр уонна аҕалар кыттыыны ыллылар. Эдэр ыаллары улуустааҕы ыччат уонна дьиэ кэргэн управлениетын начальнига Константин Захаров уонна киин библиотека сэбиэдиссэйэ Елизавета Корнилова эҕэрдэлээтилэр.
«Төгүрүк остуолга» дьиэ кэргэн туруктаах буоларыгар үлэлэһэр тэрилтэлэр специалистара эдэр ыалларга туох-ханнык көмө оҥоһулларын кэпсээтилэр, сүбэлэри-амалары биэрдилэр. Ол курдук, улуустааҕы Пенсионнай фонда управлениетын отделын салайааччы Сардаана Леверьева «Ийэ хапытаалын», муниципальнай бас билии агенствотыттан сүрүннүүр специалист Екатерина Павлова үс уонна онтон элбэх оҕолоохторго сир учаастагын түҥэтиини, улуустааҕы нэһилиэнньэ социальнай көмүскэллээх буолууга управлениетын специалиһа Елена Макарова элбэх оҕолоохторго программалар, социальнай көмө, контракт, эппиэкэ уонна попечительство отделын сүрүн үлэһитэ Зарядина Сосина оҕо аатын, араспаанньатын уларытыы, ыччакка уонна дьиэ кэргэҥҥэ социальнай-психологическай киин директора Алена Калачикова эдэр ыаллар уйулҕалара туруктаах буоларыгар үлэлэһии, Саастарын ситэ илик оҕолору социальнай-реабилитациялыыр киин үлэһитэ Мария Зыкова Киин үлэтин-хамнаһын, ыччат уонна дьиэ кэргэн управлениетын специалиһа Афанасий Максимов «Эдэр ыалы дьиэнэн хааччыйыы» программа, дьиэ кэргэн отделын салайааччыта Ирина Назарова биэс уонна онтон элбэх оҕолоохторго көмөлөр тустарынан иһитиннэриилэри оҥордулар.
Урукку сылларга тэҥнээтэххэ, эдэр ийэлэр уонна аҕалар дьиэлэнии-уоттаныы боппуруостарыгар болҕомтолоохтук сыһыаннаһар, кинилэргэ анаан үлэлиир ханнык программалар баалларын толору билэр, туһааннаах ыйытыылары сөптөөхтүк туруорар, үптэрин-харчыларын сатаан ааҕынар-суоттуур буолбуттара бу тэрээһиҥҥэ көһүннэ.
При частичном или полном использовании материалов гиперссылка на сайт ysia.ru обязательна.
Категория: Территория Просмотров: 720 Источник: ЯСИА Автор: Виктория Белолюбская Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ