- Тэрээһиҥҥэ Дьокуускайтан киинэ ааптара Валентин Венделовскай, «Анаабыр Алмаастара» ААУо пресс-сулууспатын салайааччы С.Ф. Андреева, Симферополь куораттан ыҥырыылаах ыалдьыт, 1980-1986 сс. Амакиннааҕы экпедиция начальнига, биллиилээх геолог Валентин Кривонос уонна кинооператордар Александр Скворцов, Сергей Циханович кэлэн кытыннылар.
- Киинэ сүрэхтэниитэ буолуон иннинэ улуустааҕы гимназия директора В.А.Матвеева, «Анаабыр Алмаастара» ААУо пресс-сулууспатын салайааччы С.Ф. Андреева, улуус баһылыгын солбуйааччы В.В. Зедгенидзев, ыҥырыылаах ыалдьыт В.Ф. Кривонос уонна В.В. Венделовскай кылгас иһитиннэрии оҥордулар.
- Бу дьоро киэһэҕэ Валентин Витальевичка эҕэрдэ тыл эгэлгэтэ этилиннэ.
- Улуус дьаһалтатын баһылыгын солбуйааччы В.В.Зедгенидзев улуус олохтоохторун аатыттан Валентин Вительевичка уонна Валентин Филипповичка Махтал суруктары туттарда.
- Дьон киинэни икки чаас устата уонтан тахса сыл анараа өттүнээҕи көстүүлэри, сүдү киһи Николай Егоровиһы кытта алтыспыт уонна үлэлээбит кэмнэрин ахтан-санаан, ол кэмнэри эргитэн аҕалбыт курдук сананан иһийэн олорон көрдө. Киинэҕэ улууспут ол кэмнээҕи олоҕо-дьаһаҕа, алмаас бырамыысылыннаһа сайдыытын историята, Николай Егорович дьиэ кэргэнин туһунан кэпсэнэр.
- Киинэ бүппүтүн кэннэ дьон киинэ ааптарыгар Валентин Витальевичка дохсун ытыс тыаһынан махтанна. Валентин Витальевич мустубут дьоҥҥо өссө да биир бырайыагы бэлэмнии сылдьабыт, онон инникитин эмиэ көрсүөхпүт диэн тэрээһини түмүктээтэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети