- Оройуон дьаһалтатын баһылыга Попов Б.Н. Арассыыйа саҥа гражданнарыгар пааспардарын үөрүүлээх быһыыга-майгыга туттартаата. РФ УФМС Ньурбатааҕы территориальнай пуунун салайааччы Семенова В.В. бырааһынньык күн 14 саастарын туолбут 13 оҕо Арассыыйа гражданинын пааспарын ылбытын иһитиннэрдэ.
- Бу күн Ньурба куорат аксакалыгар, авиация ветераныгар Тихонов Михаил Афанасьевичка Ньурба оройуонун бочуоттаах гражданина, улуус социальнай-экономическай сайдыытыгар кылаатын иһин СӨ Ньурбатааҕы 26 №-дээх ОГПС баһаарынай сулууспатын инструкторыгар Данилова Светлана Николаевнаҕа оройуон бочуоттаах бэлиэтэ, Ньурба 2 №-дээх оскуолатын үөрэнээччитигэр, олимпиадалар кыайыылаахтара Верховцев Семеҥҥа диплом туттарылыннылар
- Куорат дьаһалтатын баһылыгын социальнай боппуруоска солбуйааччы Николаева О.И. мустубут дьону куорат дьаһалтатын, куорат сэбиэтин депутаттарын аатыттан Арассыыйа күнүнэн эҕэрдэлээтэ.
- Бырааһынньык күн куорат Киин, Лермонтовскай, Амакинка түөлбэлэрин икки ардыларыгар «Конкурс сарафанов», «Конкурс пекарей» «Каравай, каравай кого любишь - выбирай», «Широка страна моя родная» куонкурустар ыытылыннылар. Мантан киирбит үп аһымал акцияҕа кыттыһан умайбыттаахтарга ананна. Түмүккэ Лермонтовскай түөлбэ кыайыылааҕынан буолла, иккиһи Амакинка, үсүһү Киин түөлбэ ыллылар.
- Авиация ветерана, Ньурба оройуонун бочуоттаах гражданина буолбут Тихонов М.А. Арассыыйа бырааһынньыгынан эҕэрдэлээн туран, бу курдук эттэ: «Эһээлэрбит, убайдарбыт олохторун толук ууран туран уһансыбыт Улуу Кыайыыларын үбүлүөйдээх 70 сылын бэлиэтээтибит.Сэрии саҕаланыытыгар 6-лаах уолчаан күн бүгүн 80 сааспын ааһан турабын. 33 сыл тахсыылаах үлэм иһин «Авиация туйгуна», «Саха сирин авиация флотун туйгуна» бэлиэлэрдээхпин. Бу бүгүн, Арассыыйа күнүгэр, бочуоттаах гражданин буолбуппуттан олус долгуйдум, үөрдүм. Эдэр ыччакка туһаайан эйэлээх олоҕу сыаналааҥ диэн этиэхпин баҕарабын. Оскуола оҕолоро туйгуннук үөрэнэн, ситиһиилээх дьон буола улаатан сайдыылаах олох дьоһун ыччата буолалларыгар баҕарабын. Судаарыстыбаны бөҕөргөтүү хас биирдиибититтэн тутулуктаах. Эйэлээх, бигэ туруктаах дьиэ кэргэн үтүө холобурун батыһан эдэр ыал үксээтин. Эһиэхэ барыгытыгар алмаас таас курдук кытаанах доруобуйаны, дьолу-соргуну баҕарабын».
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети