«Дьон чөл олоххо тардыһыытын өйүүргэ сөптөөх усулуобуйа тэриллиэхтээх», - диэтэ бастакы вице-премьер Петр Алексеев.
Арыгыны атыылыыртан аккаастаммыт нэһилиэктэргэ «Мин Сахам сирэ ХХI үйэҕэ» хамсааһын чэрчитинэн ыытыллар культура, спорт эбийиэктэрин тутууга бастакы уочарат бэриллэр.
Петр Алексеев иһитиннэрбитинэн, 2017 сылга диэри болдьохтоох дьиэ кэргэн, демография уонна ыччат политикаларын өрөспүүбүлүкэтээҕи бырагырааматыгар арыгылааһыны эрдэттэн сэрэтэр, арыгыны утары, чөл олоҕу сырдатар үлэҕэ хос бырагыраама эбии киириэхтээх.
Саха сирин бырабыыталыстыбатын муниципальнай тэриллиилэргэ чөл олох сирин-уотун биир кэлимсэ типовой балаһыанньатын оҥорор туһунан быһаарыыны ылбыт. Бүгүҥҥү туругунан, муниципалитеттарга маннык балаһыанньалар тус-туспалар. Чөл олох сиригэр-уотугар культура, сынньалаҥ пааркалара, спорт эбийиэктэрэ киирэллэр. 1,5 тыһ. нэһилиэнньэлээх пууннарга арыгыны атыылыыр сирдэр үөрэх тэрилтэлэриттэн 250 м. тэйитиллиэхтээхтэр. Сэлиэнньэ, бөһүөлэк 1,5 тыһ. тахса олохтоох буоллаҕына, арыгыны атыылыыр туочукалар 300 м.тэйиччи буолуохтара диэн быһыллар.
Бастакы вице-премьер эппитинэн, үөрэх тэрилтэлэригэр балаҕан ыйын 1 күнүттэн культура уонна доруобуйа уруоктара баар буолуохтара.
Комментарии
Авторизация на сайте через социальные сети