ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
31 июля 2015, 11:34

Кэбээйи эдэр боксердарын сайыҥҥы сынньалаҥнара

Сыллата Дьокуускай куоракка өрөспүүбүлүкэтээҕи оҕо спортивнай оскуолатын базатыгар «Триумф» спортсменнары бэлэмниир кииҥҥэ эдэр боксёрдарга спортивнай лааҕыр тэриллэр.

photoByWidth&id=40901&width=1000

От ыйын 1-12 күннэригэр лааҕырга Дьокуускайтан, Хаҥалас, Чурапчы, Таатта уонна Кэбээйи улуустарыттан 40-ча боксёр дьарыктанна.

Манна Сиэгэн Күөл орто оскуолатын үөрэнээччилэрэ Арсен, Роман уонна Дмитрий Кривошапкиннар, Ренат Баишев, Яков Ефимов сырыттылар.

Лааҕыр тренердэринэн СӨ үөрэҕириитин туйгуна, СӨ физическэй култууратын уонна спордун туйгуна В.В. Олесов, боксаҕа РФ спордун үтүөлээх маастара, профессионаллар ортолоругар аан дойду чөмпүйүөнэ О.В. Васильева уонна СӨ үөрэҕириитин туйгуна С.С. Кривошапкин үлэлээтилэр.

Оҕолор икки нэдиэлэ устата эрчилиннилэр, куорат музейдарыгар сырыттылар. Дуобакка, остуол тенниһигэр, хапсаҕайга, футболга күрэхтэһиилэргэ, араас куонкурустарга кытыннылар.

Дуобат турнирыгар 23 кыттааччыттан Рома Кривошапкин үһүс бочуоттаах миэстэни ылла. Хапсаҕайга кыра саастаахтарга абсолютнай чөмпүйүөнүнэн 4 кылаас үөрэнээччитэ Рома Кривошапкин, улахан бөлөххө кыайыылааҕынан 9 кылаас үөрэнээччитэ Дима Кривошапкин буоллулар. Манна иккис миэстэни Яков Ефимов ылла. Толкуйдуур дьоҕуру сайыннарыыга математикаҕа куонкурус ыытылынна. Манна Дима Кривошапкин сорудахтары түргэнник суоттаан бастаата. Футболга бастыҥ оонньооччуларынан Э. Омаров (Дьокуусай), И. Ефимов (Дьокуускай) уонна Д. Кривошапкин (Кэбээйи улууһа) буоллулар.

Сезон бүтүүтэ лааҕыр иитиллээччилэрэ Хаҥалас улууһун Еланкатыгар бохуоттаан кэллилэр. Оҕолор дуоһуйа сөтүөлээтилэр, балыктаатылар. Ити курдук лааҕыр икки нэдиэлэтэ биллибэккэ ааста.

От ыйын 14 күнүттэн Нам улууһун Үөдэй нэһилиэгэр спортивнай лааҕыр иккис сезонун саҕалаата. Манна боксаҕа өрөспүүбүлүкэ сүүмэрдэммит хамаандатын чилиэннэрэ сынньаналлар. «Азия оҕолоро» норуоттар икки ардыларынааҕы VI оонньууларыгар бэлэмнэнии бастакы түһүмэҕин СӨ үрдүкү тренерэ, РФ үтүөлээх тренерэ С.В. Анохин уонна РФ спордун маастара В.В. Лисица салайан ыыталлар. Лааҕырга Сиэгэн Күөл боксаҕа оскуолатын иитиллээччитэ, Дьокуускайдааҕы кадеттар оскуолаларын 8 кылааһын үөрэнээччитэ Владислав Самсонов дьарыктанар.

При частичном или полном использовании материалов гиперссылка на сайт ysia.ru обязательна.
Категория: Спорт Просмотров: 798 Источник: ЯСИА Автор: Степан КРИВОШАПКИН Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ