- Полиция хамаандатыгар 76 саастаах Мария Ипатьевна Винокурова оонньообутун бэлиэтиир оруннаах. Кини билигин Байаҕантай нэһилиэгэр киирэр Ударник сэлиэнньэтиттэн төрүттээх. Дойдутугар уонна Мэҥэ Алдаҥҥа кинини төһө да сааһырдар Ипатьевна Маша диэн ааттыыллар. Түөрт оҕо ийэтэ, хас да оҕо эбэтэ билигин улуус киинигэр Хаандыгаҕа олорор. Эдэригэр теннискэ үчүгэйдик оонньуура, билигин да иллэҥ кэмигэр санаата батарбакка күрэхтэһиигэ кыттар. Бүтүн Томпо улууһун полициятын үрдүнэн 76 саастаах кырдьаҕаска тэҥнэһэн оонньуур киһи көстүбэтэ.
- Түмүккэ физкультура учуутала Светлана Галактионова, спортинструктордар Владимир Колмаков, Валерий Хаджеев састааптаах "АЛРОСА" СКК хамаандата кыайыылааҕынан буолла. Иккис миэстэҕэ оройуон баһылыга Георгий Герасимов, тутуу салаатын салайааччы Айсен Данилов уонна Клавдия Винокурова састааптаах оройуон дьаһалтатын хамаандата таҕыста. Клавдия - Мария Ипатьевна улахан кыыһа. Үһүс миэстэни Александр Архипов, Василий Хабаров уонна Виктория Сыромятникова састааптаах хайа-геологическай техникум хамаандата ылла.
- Сорох оонньооччулар билинэллэринэн, кыттааччылар орто саастара, арааһа, 50-ча сыл буолара буолуо. Аҕа көлүөнэҕэ ытыктабылы этэн туран, ыйытыы үөскүүр: ыччаттарбыт ханналарый? Биһиги чемпионнарбыт кимнээҕи ииттилэр? Кинилэр бары теннискэ үчүгэйдик оонньуур дьон. Холобура, Светлана Галактионова Өлүөхүмэҕэ 2010 сыллаахха Саха сирин норуоттарын оонньуутугар хотугу улуустарга муҥутуур кыайыылааҕынан буолбута.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети