Дьиэлэринэн сылдьан тыал оҥорбут хорумньутун көрдүбүт-иһиттибит. Саамай улахан хорумньулааҕынан Пуховтар эдэр ыал буолла, саҥа тутулла турар дьиэлэрин сарайын 32 устуука черепицата бүтүннүү алдьаммыт. Мастары сууллартаан дьаһалта гарааһын, уот баҕанатын, телефон линиятын алдьатан улахан хорумньу таҕыста. Олохтоохтор эппиттэринэн, ол күн морозильниктара үлэлээбэккэ, астара буорту буола сыспыт. Телефон линията быстан, Сунтаары кытта кыайан сибээстэспэккэ олорбуттар. Онуоха РЭС, Сахателеком үлэһиттэрэ түүннэри үлэлээн уот ситимин, телефон сибээһин чөлүгэр түһэрбиттэр.
Элбэх сиэн эһээтэ, эбээтэ Игнатьев Г.И., Игнатьева В.А. эппитттэринэн, ол күн самыырдаабыт да курдук буолбут, эмиэ да тобурахтаах тыал түспүт, хата ол бириэмэҕэ сиэннэрэ дьиэлэриттэн тахсыбакка саалаҕа тэлэбиисэр көрө олорбуттар.
Сунтаар улууһун баһылыга А.В.Григорьев хорумньулаах дьоҥҥо улуус дьаһалтата төһө кыалларынан көмөлөһүө диэтэ. Олохтоохтор: “Баһылык бэйэтинэн кэлбититтэн үөрдүбүт уонна аҥаардас болҕомто уурбуккут иһин махтанабыт” диэн эттилэр.
Тимур ИВАНОВ, улуус баһылыгын көмөлөһөөччү
Комментарии
Авторизация на сайте через социальные сети