Хаҥалас оһуохай түмсүүтэ, олохтоохтор көхтөөх кыттыыны ыллыбыт. Тэрээһини оһуохай түмсүү куратора Николаева Марта Тимофеевна иилээн-саҕалаан ыытта .
Дьоро киэһэ Хаҥалас оһуохайыттан саҕаланна, оһуохайы «Тирэх» бэтэрээннэр ансаамбылларын оһуохайдьыта Семенова Пелагея Петровна таһаарда. Жиркова Мария Михайловна (Хадьы Маайа) опчуорай оһуохайын Данилова Ульяна Семеновна көрдөрөн, мустубут дьон-сэргэ сонурҕаан үҥкүүлээтэ, чэбдигирдэ.
Хаҥалас оһуохай түмсүүтүн салайааччыта Лидия Харитонова улуус оһуохайын түмсүүтүн сырдатта.
Сунтаартан төрүттээх оһуохайдьыттарбыт Лукина Розалия Николаевна, Иванова Лия Алексеевна намыын-намчы оһуохайдара киэҥ түһүлгэни олохтоотулар.
Тохтобулга «Тирэх», «Дьүрүһүй» ансаамбыллар, Пелагея Семенова, Лидия Харитонова бэйэлэрин музыкальнай эҕэрдэлэрин тириэртилэр. Олоҥхо ыһыаҕын Аан Дархан оһуохайдьыта Аркадьев Евстафий Петрович тэтимнээх оһуохайыгар киэҥ түһүлгэни олохтоон сааланы бүтүннүү ыллыбыт.
Хаҥалас оһуохайдьыттарын салайааччы Лидия Харитонова
Комментарии
Авторизация на сайте через социальные сети