- Ол чэрчитинэн соторутааҕыта 2004 Афинытааҕы, 2008 Пекиннээҕи сайыҥҥы Олимпийскай оонньуулар кыттыылаахтара, аан дойду түһүлгэтин боруонса призера, Азия чемпионатын кыайыылааҕа, Саха Өрөспүүбүлүкэтин физическэй култуураҕа уонна спорка үтүөлээх үлэһитэ биир дойдулаахпыт Леонид Спиридонов уонна 2014 с. көҥүл тустууга Россия чемпионатын боруонса призера, ССРС үтүөлээх тренерэ Д.П.Коркин сырдык кэриэһигэр ыытыллар норуоттар икки ардыларынааҕы турнир икки төгүллээх кыайыылааҕа, норуоттар икки ардыларынааҕы кылаастаах спорт маастара Виктор Рассадин Покровскай куорат 2 №-дээх орто оскуолатын 5 «а» кылааһын үөрэнээччилэригэр (кылаас салайааччыта Геннадий Лукин) ыалдьыттаатылар.
- Аҕалар сүбэлэрин чилиэнэ Егор Варламов көрсүһүү туһунан санаатын үллэһиннэ:
- - Оскуола аҕаларын сүбэлэрэ былаан ылынан, биллиилээх спортсменнары кытта көрсүһүүлэри тэрийэргэ сүбэлэспиппит. “Хаҥалас сойууһа” уопсастыбаннай түмсүү уонна улууспут тустууга федерацията көҕүлээһиннэринэн маннык көрсүһүүлэри тиһиктээхтик тэрийдэхпитинэ оҕолорбут өй-санаа, эт-хаан өттүнэн сайдыылаах буолуохтара.
- Сэһэргэһиигэ оҕолор спорт араас көрүҥнэринэн дьарыктаналларын кэпсээтилэр. Ыалдьыттар истиҥ көрсүһүү иһин үөрэнээччилэргэ ис сүрэхтэриттэн махтаннылар. Виктор Рассадин оҕолорго хаартыскатын бэлэх уунна. Онтон оҕолор бэйэлэрин уруһуйдарын бэлэхтээтилэр уонна биллиилээх спортсменнары кытта бииргэ хаартыскаҕа түстүлэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети