- Биригээдэлэри уоппуттаах отчуттар Гаврил Еремеев, Трофим Сивцев, Ким Филиппов уонна Прокопий Марин салайаллар.
- Ааспыт бээтинсэҕэ улуус баһылын бастакы солбуйааччы Петр Лебедев, тыа хаһаайыстыбатын управлениетын кылаабынай зоотехнига Ион Кононов үлэ хаамыытын билсэ хаһаайыстыба ходуһаларыгар сырыттылар. Абаҕалар халлаан күн-дьыл туран биэрдэҕинэ, былааннарын ситииһиктэр. Атырдьах ыйын 13 күнүнээҕи туругунан 30%-нын толорбуттар.
- Биригэдьиир Гаврил Еремеев: "Былааммыт 400 тонна. Бу "Табалаах"бааһынатын оттоон бүтэрдибит, көҥүс нөҥүө баар "Дьалыбынаны" хомуйан баран, "Түбэҕэ" көһүөхтээхпит. Биригээдэбэр түөрт үлэһиттээхпин: Устин Ефимов - от оҕустарар, Аким Неустроев - мустарар, ол быыһыгар пуобардыыр, бэйэм рулоннуубун. Түүнүн Айсен Анисимов уонна Павел Неустроев рулоннаммыт оту хомуйан сааһылыыллар. Бэрэссэдээтэлбит Василий Тимофеев саппаас чааһынан, сэлээркэнэн быспакка хааччыйа олорор. "Түбэни" оттоон бүтэрдэхпитинэ былааммытын толорорбут буолуо“, - диэн эттэ.
- "Хомустаах" биригэдьиирэ Трофим Сивцев: "Биригээдэбэр алта үлэһиттээхпин: Алексей Романов - охсооччу, Николай Васильев - мунньааччы, Георгий Тритонов роторынан оҕустарар, Николай Рыжков пуобардыыр. Уолум Сергей Сивцев уонна Соморсунтан Айсен Охлопков ходуһаны ат кыраапкатынан хаачыстыбалыыллар.
- Бу "Хомустааҕы" бүтэрэн ( 120 галаах ходуһа, онтон 500 рулону ылбыттар) "Хоҥуруу"диэн сиргэ көһүөхтээхпит. Техника эргэрэн истэҕин ахсын элбэх саппаас чаас ирдэнэр, ордук КДП-ларбыт эргэрдилэр. Итиниэхэ Александр Давыдовсаппаас чааһынан төһө кыалларынан хааччыйар, үлэ хаамыыта тохтооботугар кыһаллар.
- От үүнүүтэ үчүгэй эрээри, уулаах сирдэрдээх, ардах түстэр эрэ сүлбэлэрбит туолан хаалаллар. Күнэ туран биэрдэҕинэ былааны ситиһэргэ кыһаллабыт“, - диэн санаатын үллэһиннэ.
- Ити курдук, Строд аатынан ТХПК хоһуун отчуттара кураан күннэри толору туһанан, ылыммыт сорудахтарын толорорго дьулуурдаахтык оттууллар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети