- - Мин төрүт дойдум - Тиит Арыы. Кыра эрдэхпиттэн төгүрүк тулаайахпын, оҕо дьиэтигэр иитиллибитим. Тиит Арыыга, Еланкаҕа, Улахан Ааҥҥа олоро сылдьыбытым. Кыыһым бу Покровскайга дьиэ ылбыта, онон билигин онно баарбын, - диир Анна Ивановна. - Кыыһым Зоя Александровна Де Мерс (Охлопкова) диэн. Кэргэнэ француз Де Мерс тутуунан дьарыктанар, олус үчүгэй киһи. Дьокуускайга Музыка үрдүкү оскуолата буолбут канадскай дэриэбинэни тутуспута. Канадаҕа кыыспар баран олордум, онно нууччалар, аҕыйах саха дьоно олороллор уонна, мин көрөрбүнэн, үксэ украинецтар.
- - Канадаҕа дьиэҕэ таах олордуҥ дуу ?
- - Суох. Кыыһым массыыналаах буолан элбэх сиргэ, онно-манна сырытыннарда.
- - Ол дойду айылҕата, маһа-ото хайдах эбитий?
- - Үчүгэй гынан баран, биһиги Сахабыт сирин айылҕатыгар букатын тиийбэт эбит. Хатыҥҥа маарынныр мастар бааллар даҕаны, сэбирдэхтэрэ иҥин атын. Биһиги хатыҥмыт олус мааны эбит, харыстыахпытын наада. Ханна да тиийдэрбин бу дойдубун кытта ол дойдулар сирдэрин-уоттарын, өрүстэрин-күөллэрин барытын тэҥнээн көрөбүн.
- - Биир дойдулаах дьоҥҥор-сэргэҕэр эн баҕа санааҕын тиэрт эрэ.
- - Мин дьоммор-сэргэбэр, ыччаттарга баҕа санаам диэн доруобуй буоллуннар, ил-эйэ баар буоллун, саамай кылаабынайа сэрии эрэ буолбатын.
- Анна Ивановналыын ыһыах дьоно, элбэх киһи кэлэн үөрэ-көтө эҕэрдэлэстилэр. Сырдык сыдьаайдаах мичээринэн ыһыах алгыһын иҥэринэн, дойдутун мүөттээх салгынынан сайа тыынан дьоллонно. Аны Канадаҕа барбаппын, дойдубар хаалыам диэн бүччүм санаалаах олорон ыһыах бары тэрээһинин сэҥээрэ көрдө.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети