Кинигэҕэ тыл үөрэхтээҕэ, суруналыыс, поэт Илья Сергеевич олоҕун, айар үлэтин туһунан бииргэ үөрэммит, үлэлээбит доҕотторун ахтыылара киирбиттэр. Кини туһунан ыстатыйалар, бэйэтэ суруйталаабыт ыстатыйалара, ырыа буолбут хоһоонноро бааллар. Бу барыта биэс түһүмэххэ түмүллүбүт.
Кинигэ сүрэхтэниитигэр түбэй-дьаарханнар анаан-минээн, ырыаһыттардаах кэлбиттэр. Уһун Күөлтэн «Далбар» ырыа ансаамбыла кытынна.
Саҥа кинигэни библиотекарь Камилла Афанасьева билиһиннэрдэ. Улуустааҕы култуура управлениетын начальнига Мария Кобельянова, ырыаһыт, сцена бэтэрээнэ Мария Софронова, суруналыыс Лариса Семенова, киин библиотека директорын солбуйааччы Надежда Кузьмина, үөрэх управлениетыттан Татьяна Жиркова, Түбэй-Дьаархантан учуутал Иван Иванов, Кыыл Уолун аатынан музей директора Дмитрий Осипов ахтыылары оҥордулар.
Илья Зверев хоһоонугар ырыа айбыт Алексей Афанасьев, Валерий Коротов, ырыаһыт Любовь Афанасьева тэрээһини киэркэттилэр.
Комментарии
Авторизация на сайте через социальные сети