- Улуус, бөһүөлэк олохтоохторун уонна ыалдьыттарын үөрүүлээх быһыыга-майгыга “Кэбээйи улууһа” МТ баһылыгын бастакы солбуйааччы Степан Павлов, “Сангаар бөһүөлэгэ” МТ баһылыга Илья Черепанов уонна бөһүөлэк ыччат дьыалатыгар салаатын исписэлииһэ Наталья Сапсай эҕэрдэлээтилэр. Кинилэр бары дойдубут сайдыылаах, модун кыахтаах, бэйэтигэр эрэллээх буоларыгар баҕарабыт диэн бэлиэтээтилэр. Россия куруутун да араас уустук түгэннэртэн чиэстээхтик, кыайыылааҕынан тахсар. Россия күүһэ – норуотугар, биһиги дьылҕабыт – бэйэбит илиибитигэр. Биһиги дойдубутун өрүү эйэ, сөбүлэһии, сомоҕолоһуу арыаллаатын. Итини этэн туран, салайааччыларбыт бука барыбытыгар кытаанах доруобуйаны, ситиһиилэри, дьолу-соргуну уонна байылыат олоҕу баҕардылар.
- Бу чаҕылхай күннээх бырааһынньыкка Сангаар бөһүөлэгин ыччаттара ырыанан, үҥкүүнэн Россия күнүн уруйдаатылар-айхаллаатылар. Өссө биир бэлиэ түгэнинэн «Дотронься до России» акцияҕа кыттыһыы буолла. Баҕалаахтар кыһыл, халлаан күөҕэ, маҕан өҥнөөх кырааскаларга ытыстарын ымньаан үс өҥүнэн ытыс ойуутун түһэрбиттэрэ көрүөхтэн дьикти кэрэ хартыына буолан таҕыста. Маны таһынан хас биирдии кыттааччыга миитини тэрийээччилэр Эдэр Россия символын - үс өҥнөөх лиэнтэни туттардылар.
- Кэбээйи оройуонугар ТП УФМС салайааччыта Игорь Климов 14 саастаах оскуола үөрэнээччилэригэр Сергей Дункевичка, Анастасия Олесоваҕа, Евгений Важениҥҥа уонна Ирина Рехлясоваҕа Россия гражданнарынан буолбуттарын туоһулуур пааспардары туттарда. Бу күн оҕолор өйдөрүгэр-санааларыгар олохторун умнуллубат түгэнинэн буолан хаалыаҕа.
- Ленин болуоссатыгар буолбут үөрүүлээх тэрээһин норуот маассабай күүлэйинэн түмүктэннэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети