- «Сахабэчээт» автономнай тэрилтэ дириэктэрэ Филипп Пестряков айар куттаах биир дойдулааҕын Мария Алексееваны кэрэ-бэлиэ күнүнэн итиитик-истиҥник эҕэрдэлээтэ, айар үлэнэн дьаныһан дьарыктанан киэҥ эйгэҕэ биһирэммит поэт буоларын бэлиэтээн, тутуспут суолунан эрчимнээхтик айанныырыгар алҕаата.
- «Саха сирэ суруйааччылара» ассоциация бэрэссэдээтэлэ Олег Сидоров «Чолбон» уонна «Полярная звезда» сурунааллар коллективтара билиҥҥи кэмҥэ саамай сөпкө литература салонун тэрийэн үлэлэтэн эрэллэрин биһириирин биллэрдэ, инникитин да бу курдук элбэх киһилээх айар биэчэрдэри тэрийэн ыытыахтарыгар эрэнэрин эттэ.
- Саха Өрөспүүбүлүкэтин Суруйааччыларын сойууһун бэрэссэдээтэ, народнай поэт Уйбаан Мигалкин уонна Саха сирин Суруйааччыларын союһун бэрэссэдээтэлин солбуйааччы Гаврил Андросов Мария Алексееваны айар киэһэтинэн эҕэрдэлээтилэр, бэйэлэрин хоһооннорун ааҕан иһитиннэрдилэр. Салгыы поэты коллегалара - республикатааҕы балыыһа үлэһиттэрэ, биир дойдулаахтара, суруйааччылар, суруналыыстар эҕэрдэлээтилэр. Поэзия эйгэтигэр Мария Алексеева аата дорҕоонноохтук дуораһыйарыгар уонна кинилэри истиҥ, сылаас иэйиилээх хоһооннорунан үөрдэ турарыгар баҕардылар.
- Эстрада чаҕылхай сулуһа, самодеятельнай композитор Уля Сергучева-Күннэй ырыа ыллаан тэрээһини киэргэттэ.
- Быраас идэлээх поэт айар биэчэрин бырайыак ааптара Данил Макеев иилээн-саҕалаан ыытта.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети