ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
30 июля 2015, 10:25

Муомаҕа үрдүкү кылаас оҕолоро сэлиэнньэни тупсарыыга үлэлээтилэр


Муома национальнай нэһилиэгин дьаһалтата (баһылык А.В. Андреев) уонна дьарыктаах буолуу оройуоннааҕы киинэ (директор С.А. Архипова) хаһыс да сылларын ыкса сибээстээхтик үлэлииллэр.

photoByWidth&id=40819&width=1000

Бу икки тэрилтэ сайыҥҥы кэмҥэ оҕолору дьарыктааһыҥҥа дуогабар түһэрсэн, от ыйын 10 күнүттэн волонтердар биригээдэлэрэ тэриллибитэ. Биригээдэҕэ уон кыыс – Света Старкова (биригэдьиир), Василина Сидорова, Александра Михайлова, Юля Слепцова, Василина Слепцова, Сардаана Старкова, Юля Березкина, Карина Седалищева, Ньургуйаана Софронова уонна Виола Оконешкикова киирбиттэрэ. Кыргыттар бары Муома орто оскуолатын үрдүкү кылааһын үөрэнээччилэрэ. Кинилэр Хонуу бөһүөлэгин ырааһырдыыга, көҕөрдүүгэ, уулууссалары тупсарыыга быстах үлэҕэ сырыттылар.

photoByWidth&id=40820&width=1000

Ол курдук, кыргыттар Хонуу уулуссаларын кэрийэ сылдьан бөҕү-сыыһы хомуйдулар. Кыайыы болуоссатын палисадниктарын ыраастаатылар, бордюрдары кырааскалаатылар. Молодежнай уулуссаҕа "Кэнчээри" оҕо саадын иннинээҕи цветник сибэккилэрин көрдүлэр-харайдылар. Итини таһынан Хонуу бөһүөлэгиттэн үс биэрэстэлээх Суон Тиит учаастагар баран хаппыыста бааһынатыгар уу куттулар.

Аныгы киһи толкуйа киэҥ – быраҕыллыбыты да туһаныахха сөп. "Отход, подход, доход" диэн девиһинэн оҕолор быраҕыллыбыт пластиковай бытыылкалары хомуйан, сууйан-тараан баран, сибэкки арааһын кырыйан, өрүс таастарын хомуйан, кырааскалаан бэйэлэрэ оҥорбут клумбаларын симээтилэр.

photoByWidth&id=40821&width=1000

Оҕолор күҥҥэ түөртүү чаас үлэлээн бастакы сезоннарын түмүктээтилэр. Муома национальнай дьаһалтатын баһылыгын солбуйааччы Наталья Добрянцева Хонуу бөһүөлэгин тупсарыыга кылааттарын киллэрбиттэрин иһин кыргыттарга ис сүрэҕиттэн махтанна, кинилэргэ бары үчүгэйи баҕарда. Оттон волонтердар биригээдэлэрин биригэдьиирэ Света Старкова Хонуу олохтоохторун бөһүөлэги сыыһырдыбакка ыраастык туталларыгар ыҥырда.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 741 Источник: ЯСИА Автор: Туйаара Слепцова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ