ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
30 ноября 2015, 11:06

Уһук нэһилиэктэр олохтоохторугар көмө оҥороллор

Пенсионнай фонда Хаҥаластааҕы управлениета уонна Субсидия агенствотын сулууспалара сылга кырата иккитэ улуус ыраах сытар нэһилиэктэригэр тиийэн олохтоохтору кытта көрсөллөр. Соторутааҕыта Пенсионнай фонда Хаҥаластааҕы управлениетын биирдиилээн дьону кытта үлэлиир сулууспатын салайааччы В.В.Тихоновы Иһит нэһилиэгэр кэлэ сырыттаҕына көрсөн үлэтин-хамнаһын туһунан ыйыталастым.

photoByWidth&id=50671&width=1000

- Управлениебытыттан социальнай төлөбүрдэргэ отдел исписэлииһэ А.С.Сергеев уонна пенсионнай быраабы сыаналыыр бөлөх исписэлииһэ В.В.Дьяконова буолан улууспут уһук нэһилиэгиттэн Иһиттэн саҕалаан, Кытыл Дьура, Үөдэй олохтоохторун кытта көрсөн, миэстэтигэр үлэни ыыта сылдьабыт.

Ханна да тиийдэрбит кыһалҕалаах дьон олус элбэх. Биһиги кинилэргэ «Ийэ (дьиэ кэргэн) хапытаалыгар» докумуон хомуйуутугар, төлөбүрдэри оҥорторууга сүбэлэри биэрдибит, пенсияҕа тахсыахтаах дьон эрдэттэн туох докумуоннары хомуйуохтаахтарын, ким-туох чэпчэтиинэн туһаныахтааҕын барытын сүбэлээн ыйан-кэрдэн биэрдибит уонна тута докумуоннарын туттубут, - диир Василий Вячеславович.

Тыа сирин олохтооҕо уокка, ууга, оттук маска көрүллэр субсидиялар туһунан боппуоруоһу эмиэ интэриэһиргиир.

- Тыа сирин дьоно субсидия боппуруоһугар билбэттэрэ үгүс, кыанан олорор да ыал аҕыйах. Уокка, ууга, оттук маска субсидия ылыахтарын наада. Биһиги ирдэнэр докумуоннары барытын миэстэтигэр тутабыт, мунаарар боппуруостарын тута быһааран биэрэбит, - диэтэ тус аадырыстаах субсидия сулууспатын начальнига Наталья Другина.

Тыа сирин олохтоохторо Пенсионнай фонда уонна субсидия агенствотын үлэһиттэрэ нэһилиэктэринэн сылдьан мунаахсыйар боппуруостарын быһааралларыттан олус үөрэллэр. Улуус киинигэр, тустаах тэрилтэлэргэ барыы-кэлии кырата суох ороскуоту ирдиир. Онон миэстэтигэр мунаарар ыйытыктарыгар хоруйу ылан, тустаах докумуону туттаран олохтоохтор астынан тарҕастылар.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 700 Источник: ЯСИА Автор: Иван Уйгуров Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ