Манна Мэҥэ-Хаҥаластан СР спордун маастара, улуустааҕы «Урожай» уопсастыба бэрэссэдээтэлэ Виталий Пестряков бэтэрээн спортсменнар ортолоругар бастакы миэстэни эрэллээхтик ылла.
Тэрийээччилэр эппиттэринэн, быйыл күрэстэһээччи ахсаана икки төгүл улааппыт. Дойду 11 регионуттан уонна Монголияттан 200-чэкэ спортсмен кыттыбыт. Кинилэр ортолоругар Россия, Европа, аан дойду чемпионаттарын кыайыылаахтара бааллара. Турнирга уолаттар, кыргыттар, эр дьон, дьахталлар уонна бэтэрээн спортсменнар саастарынан наарданан күрэстэспиттэр.
Эһиилгэттэн бу турнир чэрчитинэн аан дойду Кубогын этаба ыытыллара күүтүллэр. Сергей Леонов эппитинэн, былааннаммыт барыта кыалыннаҕына, Бурятияҕа уонтан тахса омук дойдутуттан спортсменнар кэлиэхтэрэ.
Киирэ спорда бүгүн аан дойду үрдүнэн эриэ-дэхси сайдар, спорт бу көрүҥүн Олимпийскай оонньуулар программаларыгар киллэрэр туһунан кэпсэтии бары таһымҥа ыытыллар.
Комментарии
Авторизация на сайте через социальные сети