Ыалдьыттары уонна тутааччылары нууччалыы үгэһинэн туустаах килиэбинэн күндүлээтилэр, көрдөөх частушкалары ыллаатылар. Эҕэрдэ тыллары Томпо оройуонун баһылыга Георгий Герасимов, «Теплай Ключ» МТ баһылыга Сергей Зайчиков эттилэр.
Онон быйыл федеральнай программанан 8 дьиэ үлэҕэ киирдэ. Үбүлээһин уопсай кээмэйэ 150 мөл. солк. кэриҥэ буолла. Кэлэр сылга өссө 9 дьиэ үлэҕэ киириэҕэ, 2017 с. - 11 дьиэ. Онон оройуон хас ахсыс олохтооҕо саҥа дьиэ ылыаҕа. Дьокуускай, Нерюнгри, Ньурба, Алдан куораттар уонна Хаҥалас оройуонун кэнниттэн биһиги оройуоммут бу программанан тутуу ыытыытыгар Саха сиригэр алтыс миэстэҕэ сылдьар.
Георгий Герасимов үчүгэй үлэлэрин иһин бэдэрээтчиттэргэ махтанна. Томпо оройуонун дьаһалтатьш грамотатынан урбаанньыт Александр Свинобоев, маастар Николай Ефимов, Сергей Свинобоев уонна Василий Сыромятников наҕараадаланнылар. Бу биригээдэ Теплай Ключка салгыы үлэлиир, элбэх функциялаах Киин дьиэтин тутар.
Бэдэрээтчиттэр ааттарыттан өйдөбүнньүк күлүүс тылын А. Свинобоев туттарда, кыһыл лиэнтэни быстылар. Квартиралар бары биирдии хостоохтор, 36 кв. метртэн 45 кв. метргэ диэри иэннээхтэр, бары туспа киирэр ааннаахтар. Эркиннэрэ буруустан оҥоһуулааахтар, базальт билиитэлэринэн ититиллибиттэр уонна ис өттүгэр гипсокартон икки араҥатынан тигиллибитгэр, тас өттүгэр - тимир лиистэринэн. Муостатыгар линолеум тэлгээбиттэр, стеклопакет түннүктэр олордуллубуттар. Хас квартира аайы туспа уу счетчига туруоруллубуг, итиини бэрэбиэркэлииргэ уопсай счетчик баар. Квартиралар сылаастар, итии уонна тымныы уу кэлэр, 25 кубтаах канализационнай ёмкость туруоруллубут. Сүрүн үлэлэрин А.И. Свинобоев биригээдэтэ толорбут. Электричествотын тардыытын уонна сантехникатын (ванналары, унитазтары, раковиналары) туруорууну МэӨэ Алдантан сылдьар урбаанньыт оҥорбут. Дуогабар усулуобуйатынан бэдэрээтчит биэс сыл устата тутуу хаачыстыбатыгар эппиэттиир уонна наада буоллаҕына, итэҕэс оӨоһул- лубуттары туоратар.
Саҥа дьиэлээхтэр ортолоругар Развилка с. үс бэрэстэбиитэлэ баар. СаӨа квартира күлүүһүн Теплай Ключтааҕы учаастактааҕы балыыһа биэлсэр-акушерката Н.В. Крафт тутта. Надежда Васильевна кэргэнинээн - 133№-дээх ДЭП ФГУ суоппарынаан уонна уолунаан эргэ дьиэҕэ олорбуттара, саҥа дьиэҕэ киирэллэрин кэтэспиттэрэ. Ыал ийэтэ оройуон уонна сэлиэнньэ салайааччыларыгар махтанна уонна өссө саҥа дьиэлэри туталларыгар баҕа санаатын эттэ.
Автор хаартыскаҕа түһэриитэ.
Комментарии Добавить комментарий
Авторизация на сайте через социальные сети