Анна Николаевна, Улуу киһи Алампа кэпсээннэрин, хоьооннорун, драмаларын уруккуттан таптаан - сэргээн ааҕар эбит. Билигин кини сынньалаҥҥа олорор. Урут совхоз саҕана түүлээх таҥастааччы, иистэнньэҥ бэрдэ буолан үлэ бөҕөнү көрсүбүт киһи. Төрөппуттэрэ Түмэти сирин көс олохтоох эбээн табаһыт дьоно этилэр. Ийэлэрэ тоҕус оҕону ыраах туундураҕа көһө сылдьан төрөппүт, этэҥҥэ бары ыал, дьон буолан, билигин кинилэр сиэннэрэ, хос сиэннэрэ өбугэлэрин ааттарын ааттата сылдьаллар.
Анна Николаевна билигин бэрт улахан эппиэттэээх түбүктээх олорор. Ол курдук, икки сиэннэрин, оскуола үөрэнээччилирин Алампаны уонна кини убайын Ярославы бэйэтэ иитэр. Этэҥҥэ уолаттарбын атахтарыгар туруоран, үөрэхтээх дьон буолалларын ситиспит киһи диэн баҕа санаалаах.
Анна Николаевна, Алампа диэн ааты ааспыт сылларга эдьийин уол оҕотугар бэрдэрбит. Ол сэмэй, мааны майгылаах уол улаатан, оскуоланы бутэрэн, армияҕа сулууспалаан кэлэн баран, үлэһит буолан иһэн, баара - суоҕа 27 саастаагар соһумардык олохтон туораабыт. Биһиэхэ хоту тыйыс айылҕалаах дойдуга, эдэр дьон - уолаттар араас оһолго тубэһэн эрдэ олохторо быстара баар суол. Ол олус хомолтолоох
Онтон сэттэ сыл буолан баран, Анна Николаевна бэйэтин сиэнигэр , кэрэхсиир аатын Алампа диэн ааты биэрэр.
Ол кыракый Алампа билигин улаатан, быйыл бэһис кылааһы бүтэрдэ, үөрэҕэр учугэй, спортка бэрт талааннаах. Ол курдук уһуну ыстаныыга, тардыныыга сорох улахан кылаас оҕолорун куотар эбит. Волейболга, баскетболга, тенниска сөбүлээн сылдьабын диир. Таптыыр предмета математика уонна уруһуй эбит.
Дьиэтигэр ууга, маска эбээтин улахан көмөлөөччутэ. Кыра эрдэҕинэ бааһыран (диатезтаан) эрэй бөҕөну көрбут, эбэтэ тэҥҥэ эмтэтэн, билигин үчүгэй буолбут. Алампа сүрдээх аһыыр аһын бэйэтэ кытаанахтык тутуһар эбит, миэхэ бу ас барбат сиэбэппин диэн. Холобур, бааһым кубуөҕэ диэн балыктан бэйэтэ олох аккаастаммыта диэн кэпсиир эбээтэ. Бу кыра киһи тулуурдааҕын хайҕыахха эрэ сэп. Алампа Таймылыырыттан ханна да ыраах айанныы илик киһи. Сайынын дьонун кытта балыктыы муораҕа киирсэр сороҕор. Ол айан туһунан ыйыталастахпына , көтөр- сүүрэр арааһын, ниэрпэ кыыл муораҕа көстөрө улахан кэпсээн буолбатаҕын этэр. Мохсоҕол көтөр кыра оҕолорун хоптолортон көмүскээн хайдах курдук хорсуннук охсуһарын көрбүтүн сөҕө кэпсиир.
Алампа, улахан кылаастарга таҕыстаҕына, аатын сугэр ытык киһитин айымньыларын ыкса билсэрэ буолуо диэн эрэнэбин. Билигин бары оҕолор курдук, компьютерга оонньуур, сүүрэн, көтөн мэниктээн күннэрин аһарар. Баҕа санаам спортсмен буолуом диир. Соторутааҕыта эбэтигэр сэттис кылаас кэнниттэн кадетскай оскуолага үөрэнэ киириэм диэн эппит.
Анна Николаевна, хайыахпытый, баҕатын толорон куорат диэки барыахпыт буоллаҕа, үөрэҕэр киллэриэм диир.
Кыра киһи Алампа үтүө киһи буоллун, бҕга санаалара туоллуннар. Онно бэрт муудурай киһи, киһи кэрэтэ эбээтэ Анна Николаевна күүс- көмө буолуолуоҕа.
Биһирэбиллээҕэ, мин хотугу дойдум хонноҕор, муустаах муора кытылыгар, кун ахсын Алампа аата ааттана турара буолар.
Хаартыскаҕа: Алампа Саха тылыгар үөрэтэр учуутала Айталина Егоровналыын.
Комментарии
Авторизация на сайте через социальные сети