Ааспыт нэдиэлэ бүтүүтүгэр «Хаҥалас» индустриальнай паарка маҥнайгы сыбаайатын Капитоновка сэлиэнньэтини сиригэр-уотугар үөрүүлээх быһыыга-майгыга түһэрдилэр. Тэрээһиҥҥэ Ил Дархан Егор Борисов сырытта. Дьокуускай куорат мэрэ Айсен Николаев, «Хаҥалас» индустриальнай паарка үлэһиттэрэ, Капитоновка уонна Хаҥалас олохтоохторо кытыннылар.
Егор Борисов сыбаайаны түһэрии ыытыллыан иннинэ «Хаҥалас» индустриальнай паарка бырайыагын кытта билистэ уонна резиденнэр салайааччыларыттан бырайыактарын хаһан олоххо киллэрэргэ ылсалларын ыйыталаста. Эдэр салайааччылар бары лоп-бааччы эппиэттиир дьон буолан биэрдилэр. Ол сотору кэминэн Капитоновка сиригэр-уотугар оҥорон таһаарыы саҥа хайысхалара олоххо киирэллэригэр эрэли үөскэтэр.
Билиҥҥи туругунан 10 хампаанньа (резиденнэр) бырайыакка бэйэлэрин үптэрин уган үлэни ыытан эрэллэр. Пааркаҕа 30-ча хампаанньа үлэлиэн сөп. 1500 саҥа үлэ миэстэтэ тахсыаҕа.
Комментарии
Авторизация на сайте через социальные сети