ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
24 ноября 2015, 11:33

Ньурба улууһун Марха оскуолатыгар Ксенофонт Уткин аата иҥэрилиннэ


Соторутааҕыта Ньурба улууһун Марха сэлиэнньэтин олохтоохторугар бэлиэ түгэн буолла. Бу күн олохтоох оскуолаҕа философия наукатын доктора, РФ культуратын үтүөлээх үлэһитэ, Ньурба улууһун бочуоттаах гражданина Ксенофонт Дмитриевич Уткин аатын иҥэриллиитин үөрүүлээхтик бэлиэтээтилэр.

photoByWidth&id=50118&width=1000

Тэрээһин оскуола айаҕар Ксенофонт Дмитриевичка анаммыт бочуот дуоскатын үөрүүлээхтик арыйыыттан саҕаланна. Алгысчыт, К.Д. Уткин үөрэнээччитэ И.Г. Васильев-Алгыс Уйбаан сахалыы сиэри-туому толордо. Оскуола директора В.Н. Иннокентьев, улуус баһылыгын солбуйааччы Ю.Р. Николаев, К.Д. Уткин аатынан Норуоттар доҕордоһууларын музейын директора Б.Б. Борисов, ыҥырыылаах ыалдьыттар эҕэрдэ тылын эттилэр.

Оскуола учууталларын, үөрэнээччилэрин кэнсиэртэрэ киэҥ сэҥээриини ылла. Үөрүүлээх биэчэр Ксенофонт Уткин тылларыгар, Инга Еремеева муусукатыгар «Хатыҥ Сыһыы» ырыаны күргүөмүнэн толоруунан түмүктэннэ. Бу ырыа 2010 сылтан оскуола гимнинэн буолар.

Ыалдьыттар оскуола музейын сэргээн көрдүлэр. Манна К.Д. Уткин олоҕун, үлэтин сырдатар анал салаа баар.

Ньурба олохтоохторо биир дойдулаахтарынан - философия наукатын доктора, историческай наука кандидата, Хотугу форум дьиҥнээх чилиэнэ, наука уонна искусство Петровскайдааҕы Наукатын академиятын, аграрнай үөрэхтээһин норуоттар икки ардыларынааҕы академиятын академига, РФ культуратын үтүөлээх үлэһитэ, «Бочуот Знага» уордьан кавалера, Ньурба улууһун бочуоттаах гражданина Ксенофонт Дмитриевич Уткинынан киэн туттуохтарын тутталлар.

photoByWidth&id=50119&width=1000

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 805 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ