57 кг диэри ыйааһыҥҥа дойду чиэһин аан дойду икки төгүллээх чемпиона Виктор Лебедев (Саха сирэ) көмүскүөҕэ. Тренердэрэ - Владимир Кириллин, Владимир Модосян.
61 киилэҕэ Европа оонньууларын кыайыылааҕа Александр Богомоев (Бурятия) тустуоҕа. Тренерэ - Валерий Иванов.
65 кг диэри ыйааһыҥҥа Россия аатыттан аан дойду чемпиона Сослан Рамонов (Соҕуруу Осетия) киирсиэҕэ. Тренерэ - Анатолий Маргиев.
70 киилэлээхтэргэ Европа оонньууларын кыайыылааҕа Магомедрасул Газимагомедовка (Дагестан) ыалдьыахпыт. Тренердэрэ - Эльдар Нажмудинов, Саид-Ахмед Магомедов.
74 киилэҕэ диэри ыйааһыҥҥа Европа икки төгүллээх чемпиона Аниуар Гедуев (Кабардино-Балкария) тустуоҕа. Тренердэрэ - Арсен Хасанов и Алексей Казиев.
86 киилэлээхтэргэ аан дойду уонна Европа чемпиона Абдулрашид Садулаев (Дагестан) киирсэрин көрүөхпүт. Тренерэ - Шамиль Омаров.
97 киилэ ыйааһыннаахтарга аан дойду чемпиона Абдусалам Гадисов (Дагестан) тустуоҕа. Тренерэ - Иманмурза Алиев.
Ыарахан, 125 киилэҕэ диэри ыйааһыннаахтарга дойдубут чиэһин Олимпийскай оонньуулар (Лондон-2012) боруонса призердара, аан дойду үс төгүллээх чемпиона Билял Махов (Нальчик) көмүскүөҕэ. Тренерэ - Магомед Гусейнов.
Бу түһүлгэҕэ Билял Махов классическай (греко-римскэй) тустууга эмиэ кыттарынан (кини бу көрүҥҥэ Россия чемпиона, аан дойду боруонса призера), кинини Россия чемпиона, Европа нацияларын кубогын хаһаайына, Иван Ярыгин турнирын кыайыылааҕа Мурадин Кушхов солбуйарга бэлэм.
Комментарии
Авторизация на сайте через социальные сети