ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
30 июня 2015, 10:43

Кэрэ кыргыттардаах Томпо сирэ Ыччат ыһыаҕар ыҥырар


Томпо сирэ кэрэ куоларынан уонна хоодуот уоланнарынан баай. Бу сырыыга биһиги кыргыттарбыт тустарынан кылгастык кэпсиэхпит.
Бары билэргит курдук, Томпо кэрэ кыргыттара республикатааҕы уонна Россиятааҕы куонкурустар кыайыылаахтарынан буолаллар. Маннык куонкурустар саҥа тэриллэллэрин саҕана Айталина Егорова аан бастакынан Саха сирин Кэрэ куотунан билиниллибитэ. Кини аҕата - Кириэс Халдьаайы.
photoByWidth&id=38427&width=1000
"Мисс Якутия" ааты араас сылларга аймахтыылар Мария уонна Наталья Колодезниковалар ылбыттара. Мария аҕата уонна Наташа төрөппүттэрэ Мэҥэ Алдантан төрүттээхтэр. Наташа оҕо сылдьан төрөппүттэрин кытта Хаандыгаҕа олорбута. Кини Саха сириттэн аан бастакынан Россия таһымыгар үрдүк ааты ылбыта. Ол курдук, 2003 сыллаахха "II вице-мисс Россия" буолбута.
photoByWidth&id=38428&width=1000
Бу куонкурус уратыта диэн манна томполор өссө биир кыыспыт кыттыбыта. Ол Хаандыга гимназиятын үөрэнээччитэ, "I вице-мисс Якутии - 2003" Вилена Павлова этэ.
photoByWidth&id=38429&width=1000
2006 сыллаахха Сардаана Сыромятникова республикаҕа «Туйаарыма Куо» уонна "Мисс Якутия" куонкурустарга кыайбыта. Кини Саха сириттэн аан бастакынан Россияҕа «I вице-мисс» буолбута. 2007 сыллаахха Москваҕа «Fashionring» диэн моделлар профессиональнай маастарыстыбаларын россиятааҕы куонкурсугар 1-кы миэстэ буолбута, дьүөгэлэрин кытта Америкаҕа бу куонкурус аан дойдутааҕы чемпионатыгар кыһыл көмүс мэтээли ылбыта. Сардаана 6-ыс кылааһы бүтэриэр диэри төрөппүттэрин кытта 150-ча киһилээх Ударник сэлиэнньэтигэр олорбута. Ааттаах-суоллаах Кэрэ Куо үөрэммит оскуолатын аһыллыытыгар кэлэн барбыта. Кэлин оскуоланы Кириэс Халдьаайыга бүтэрбитэ уонна Дьокуускайга тыа хаһаайыстыбатын академиятыгар үөрэнэ киирбитэ.
Хаандыгаттан өссө Надежда Куприянова "вице-мисс Якутии" ааты ыла сылдьыбыта.
photoByWidth&id=38430&width=1000
"Мисс Республики Саха (Якутия) - 2014" куонкуруска Томпо улууһун Саһыл нэһилиэгиттэн төрүттээх Снежана Фролкина "I вице-мисс Республики Саха (Якутия)" ааты ылан биир дойдулаахтарын албан аатырбыт суолларын салҕаабыта. Кини медицинскэй институкка үөрэнэр. Ворогушиннар-Фролкиннар биэс оҕолоох интернациональнай дьиэ кэргэн. Снежана биир убайа мас тардыһыытыгар СР спордун маастара, Саха сирин чемпиона Сергей Фролкин 2014 с. аан дойду чемпионатын боруонса призера, норуоттар икки ардыларынааҕы турнир чемпионунан буолбута.
Биһиги кыргыттарбыт кэрэлэрин таһынан үөрэхтээхтэр, билиилээхтэр-көрүүлээхтэр. Сорохторо кэргэннээхтэр, оҕолоохтор. Онон сиргэ кэлбит аналларын толороллор.

Биһиэхэ маннык кыргыттар элбэхтэр. Эдэр дьон бу мээнэ киһиргээһин буолбатаҕын, Томпо кыргыттара кырдьык кэрэлэрин республика Ыччатын ыһыаҕар кэлэн илэ харахтарынан көрөн итэҕэйиэхтэрэ.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 880 Источник: ЯСИА Автор: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ