18 ыарахан уонна оһуобай ыарахан буруйдар оҥоһулуннулар, былырыын 43 этэ. Олортон 13 дьыала суукка ыытылынна.
Көрүҥнэринэн араарар буоллахха: өлөрүү уонна өлөрө сатааһын - 1, (былырыын - 3), киһиэхэ соруйан доруобуйатыгар ыарахан эчэтиини оҥоруу — 6 (былырыын 10), общественнай миэстэҕэ буруйу оҥоруу — 21 (былырыын 43), буруйу хаттаан оҥоруу — 15 (былырыын 7) түбэлтэлэрэ таҕыста. Ырытан көрдөххө, буруйу оҥоруу бары көрүҥнэригэр намтааһын бэлиэтэннэ. Бу сөптөөх сэрэтэр үлэ түмүгэ.
Буруйу оҥоруу үксүн Сунтаар нэһилиэгэр таҕыста. Ол курдук, быйыл - 10, (былырыын 21 буруй), Элгээйи нэһилиэгэр — 1 (былырыын суоҕа), Тойбохойго - 1 (былырыын 1) буруй оҥоһулунна.
Бу сылга сокуоннай саастарын туола илик оҕолор холуобунай буруйу оҥоруулара быдан аҕыйаата. Ол курдук, былырыын 13 буоллаҕына, быйыл 6 буруй оҥоһулунна.
Бытархай күлүгээннээһиҥҥэ 46 киһи административнай эппиэтинэскэ тардылынна. Былырыын 71 киһи этэ. Общественнай миэстэҕэ арыгы испит 64 киһи эппиэтинэскэ тардылынна, былырыын 187 киһи этэ. Итирдэр утаҕы иһэн баран общественнай миэстэҕэ сылдьыы быйыл 160 түбэлтэтэ бэлиэтэннэ, былырыын 265 эбит. Сокуоннай саастарын туола илик оҕо холуочук общественнай миэстэҕэ сылдьыыта быйыл 7, былырыын 13 түбэлтэтэ тахсыбыт.
Алта ый түмүгүнэн буруйу арыйыынан Сунтаардааҕы полиция отдела республикаҕа 2 миэстэҕэ таҕыста. Холуобунай дьыаланы арыйыыга, холуобунай дьыала оҥоһуллуута аҕыйыырыгар Сунтаардааҕы ис дьыала отделын үлэһиттэрэ былааннаахтык үлэлииллэр-хамсыыллар. Нэһилиэктэргэ буруйу оҥорууну сэрэтэр үлэ барарыгар, ДНД тэрийиигэ көмөлөhөр салайааччылар аҕыйаҕа суохтар. Ол курдук, бэлиэтиэхпин баҕарабын Сунтаар нэһилиэгин баһылыгын солбуйааччыта Макаров В.С., Тойбохой нэһилиэгин баһылыгын Егоров С.В, Аллыҥа нэһилиэгин баһылыгын Спиридонов Н.В., Элгээйи нэһилиэгин баһылыгын Яковлев Г.Л., Хордоҕой нэһилиэгин баһылыгын Данилов Ф.П., Илимниир нэһилиэгин баһылыгын Яковлева В.Д., Дьаархан нэһилиэгин баһылыгын Седалищев Д.А., Кутана нэһилиэгин баһылыгын Давыдов Н.В., улуус дьаһалтатын иһинэн сокуоннай саастарын туола илик оҕолор дьыалаларын хамыыһыйатын эппиэттиир сэкэритээрэ М.Е. Иванованы. Сокуоннай саастарын туола илик оҕо инспекциятыгар улахан көмөнү оҥороллор: Сунтаар нэhилиэгин баhылыга Э.Е. Филиппов, үөрэх управлениетын салайааччы Г.М. Еремеев уо.д.а.
Ырытыы түмүгүнэн көрдөххө, общественнай миэстэҕэ буруйу оҥоруу эмиэ аччаата, 43-тэн 21-гэ диэри.
Түмүкпэр бэлиэтиэхпин баҕарабын, буруйу-сэмэни оҥорууну утары үлэни аҥардас ис дьыала отдела ыытыахтаах сыыһа өйдөбүл баар. Нэһилиэк баһылыктара, тэрилтэ салайааччылара бу эмиэ бэйэлэрин тус үлэлэрэ буоларын умнумуохтарын наада. Оччоҕо эрэ биһиги оройуоммутугар холуобунай буруйу оҥоруу аҕыйыа этэ.
Надежда ПЕТРОВА, ИДьО тус састаабы кытта үлэҕэ начальник көмөлөһөөччүтэ
Комментарии
Авторизация на сайте через социальные сети