- Ахсынньы 2 күнүгэр Кэбээйи улууһун Мукучу нэһилиэгэр саха төрүт оонньуутун сайыннарар сыаллаах өрөспүүбүлүкэҕэ аан бастакы хапсаҕай түһүлгэтэ аһылынна.
- Бу дьоро күн “Үтүө дьыала” хамсааһын салайааччыта И.С.Емельянов, “Кэбээйи улууһа” МТ баһылыга И.Н.Спиридонов, СӨ спорка миниистирэ М.Д.Гуляев, хапсаҕай федерациятын салайааччыта Н.И.Румянцев, Ил Түмэн депутаттара, өрөспүүбүлүкэ, улуус салайааччылара, о.д.а кыттыыны ыллылар.
“Үчүгэй тренер баар сиригэр спорт сайдар, тутуу ыытыллар. Михаил Васильевич эрчийэр оҕолоро аан дойдуга тиийэ үрдүк көрдөрүүнү ситиһэннэр, манна Хапсаҕай түһүлгэтэ тутулунна”, -- диэн туран, Михаил Дмитриевич М.В.Ивановка “СӨ үтүөлээх тренерэ” үрдүк аат иҥэриллибитин иһитиннэрдэ. Салгыы спорт министрэ, аны сайын “Азия оҕолоро” оонньууга кыттар хапсаҕайдьыт уолаттар манна кэлэн эрчиллиэхтээхтэрин туһунан эппитин олохтоохтор ытыс тыаһынан көрүстүлэр.
- Үөрүүлээх аһыллыы Мукучуга эрэ баар хапсаҕай оһуохайынан түмүктэннэ. Бу оһуохайга уолаттар, эр дьон эрэ киирэллэр эбит. Кыайыы-хотуу мэтээллэрин кэппитинэн саха туруу уоланнара, эр дьонноро эрчимнээхтик оһуохайдаан ньиргитэн барбыттарын кэлбит киһи барыта астына, сэргии көрдө.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети