Республикаҕа ыытыллар араас бырагыраамаларга кыттан, улууспут баһылыга Шахурдин К.Н. быһаччы дьаһалынан бу оҕо уһуйаана тутуллан үлэлиир буолла. Оҕо уһуйаана 2009 сыллаахтан тутуллуутун, улуус депутата буолан тыл көтөҕөн, салҕаан туттарбыт Раиса Тимофеевна Корякинаҕа улаханнык махтанабыт. Кини 2011 - 2012 сылларга детсад сэбиэдиссэйин эбээhинэhин толорон улэлии сылдьар кэмигэр сүүрэн-көтөн, туруорсан, сметатын оҥотторон, Оҕо уһуйаанын аан бастакы акылаата түспутэ. Ону детсад үлэһиттэрэ, төрөппүттэр олус үчүгэйдик саныыбыт. Улууспутугар оҕо сайдарыгар араас хабааннаах үлэлэр бараллар. Оҕо сайдарыгар үгүс сыратын биэрэн үлэлиир, олоххо саҥалыы көрүүлээх үөрэх управлениетын начальнига Федулова Вероника Симовнаҕа махталбыт эмиэ улахан. Уһуйааҥҥа саҥалыы технологиянан оҥоһуллубут мебеллэр, оонньуурдар Людмила Петерсон программатыгар олоҕуран дьэндэспиттэрэ оҕону иитиигэ улахан көмөлөөх.
Оҕолорбут күһүн саҥа ыраас, сырдык, сылаас дьиэҕэ киирэн, элбэҕи биллиннэр-көрдүннэр, ситиһиилээх буоллуннар! Бу көмүс ньээкэбит элбэх оҕо саҥатынан чугдаардын, үөрбүт-көппүт улэһиттэринэн, төрөппүттэринэн үлэтэ өҕө тахсыылаах буоллун!
Комментарии
Авторизация на сайте через социальные сети