«Бичик» кыһа оскуолаҕа киирэр оҕолорго ааҕарга, суруйарга, суоттуурга, илии имин сайыннарарга үөрэтэр, бэл «саҥарар», таабырын таайтарар о.д.а. сонун кинигэлэри бэлэмнээтэ.
Атырдьах ыйын 1 күнүттэн 28 күнүгэр диэри ыытыллар «Ааҕыҥ уонна планшет сүүйэн ылыҥ!» диэн акция бүтэрэ аҕыйах хонук хаалла. 1000 солк. үөһэ кинигэ атыыласпыт киһи тута оонньонор сүүйтэриитэ суох, барыта бириистээх лотереяҕа кыттан оҕотугар 4ГБ, 2 ядролаах, Wi-Fi ситимин хабар «RoverPad» планшет сүүйэн ылар кыахтанар. Оҕо дьоҕурун сайыннарар мантан да атын бириистэр оонньонуохтара.
Оҕону буукубалары холбоон, сүһүөхтээн ааҕа үөрэтэргэ электроннай сахалыы саҥарар азбука «Бичик» маҕаһыыннарыгар хамаҕатык атыыланар. А буукубаттан ат, С буукубаттан сүөгэй тахсар диэн саҥарар азбука учуутал курдук оҕолоргутун дьарыктыа, билии киэҥ эйгэтигэр сиэтэн киллэриэ.
«Алыптаах Азбука» бу улахан кээмэйдээх дьикти кинигэни арыйдахха, иһигэр магниттаах дуоска баар, маны тэнитэн, оҕо буукубалары, сыыппаралары, остуоруйа дьоруойдарын сыһыаран, ааҕарга-суоттуурга үөрэниэ, кэпсиир, толкуйдуур дьоҕурун сайыннарыа.
Төрөппүт 6-8 саастаах оҕотун кытта сурукка-суокка, сүһүөхтээн ааҕыыга дьарыктанарыгар, тулалыыр эйгэни кытта билсэригэр улахан кээмэйдээх, элбэх дьэрэкээн ойуулаах «Оҕону сайыннарар кинигэ» күүс-көмө буолуо. Манна оҕо дьиэ кэргэнтэн саҕалаан, Сахабыт сирин улуустарын, айылҕатын, үүнээйитин, хамсыыр харамайын билиэ. Суолга сэрэхтээх буоларга үөрэниэ, ааҕыыга, суруйууга, эбиигэ-көҕүрэтиигэ маҥнайгы хардыылары оҥоруо, араас таайбараҥнары, логическай задачалары суоттуо. Кинигэ холобурдарын батыһан, дьонун кытта илиитин иминэн араас оҥоһуктары оҥорорго холонуо.
«По родному краю» диэн Сахабыт сирин айылҕатын, историческай, культурнай кэрэ-бэлиэ сирдэрин арыйар, оҕолорго билиһиннэрэр ыйынньык оскуола оҕото төрөөбүт дойдутун туһунан элбэҕи билэригэр, атын сиргэ бардаҕына сатаан кэпсииригэр сүрүн тирэх буолуо.
«Күнчээн» диэн улахан альбом-кинигэ аан бастаан ахсааны үөрэтэргэ, сахалыы ыйдар ааттарын билэргэ, буукубаны холбоон ааҕарга-суруйарга, дьиэҕэ баар тэрилинэн араас оҥоһук оҥорорго, тарбах талаанын эрчийэргэ көмөлөһүө.
«Ааҕа үөрэнэбин» сериянан Суорун Омоллоон «Бээчэ бэргэһэтэ» диэн кинигэтигэр истиҥ-сэмэй, ардыгар көрүдьүөс, үтүөҕэ сирдиир, сиэргэ-майгыга үөрэтэр тэттик кэпсээннэр киирдилэр.
Оскуолаҕа киирэргэ бэлэмнэнэр оҕолор дорҕоону арааран истэр, тыллары ырытар, сааһылыыр, толкуйдуур, ааҕар, суруйар дьоҕурдарын сайыннарарга Екатерина Крылова «Дорҕооннуун доҕордоһон» диэн улахан кээмэйдээх дьарыктыыр тэтэрээтэ көмө матырыйаал буолуо.
«Оскуолаҕа бэлэмнэнэбит» сериянан Раиса Андреева, Анна Иванова «Оһуор ойуута» диэн үлэ тэтэрээтэ оҕо саха мындыр оһуордарын билэ, ойуулаан илиитин эрчийэ үөрэнэригэр көмө быһыытынан хос таҕыста. Оҕо уруучуканы тутан суруйа үөрэниэ, сорудахтары толорон билиитин тургутуо.
Комментарии
Авторизация на сайте через социальные сети