- Кини социальнай көмүскэл управлениетыгар сылдьан саҥа куорпус бырайыагын билистэ уонна тутуу былааннаммыт (Комсомольскай уулусса 41 №-рэ) сирин көрдө. Миниистири улуус баһылыгын бастакы солбуйааччы Петр Лебедев, баһылыгы тутууга солбуйааччы Дмитрий Иванов, социальнай көмүскэл управлениетын салайааччы Аиза Чемезова арыаллаатылар.
- Александр Николаевич саҥа куорпус тутуутугар сөбүлэҥин биэрдэ, министиэристибэ улуус дьаһалтатын кытта бу боппуруоска бииргэ үлэлэһиэҕин, тутууну инвестпрограммаҕа киллэртэрэри туруорсарга биитэр ГЧП (государственная и частная партнерство) программанан тутарга сүбэлээтэ.
- Салгыы Бөтүҥ нэһилиэгэр тахсан „Күөх ыллык“ реабилитационнай киин саҥа куорпуһун көрдө. Бу дьиэ былырыын үлэҕэ киирбит эрээри, истиэнэлэрэ хайыта баран, өрөмүөн ирдэнэр. Ону сэргэ септиктэрин анна ирэн, сиргэ тимирэн эрэр. Миниистир тэрилтэ объектарын сиһилии көрдө уонна үлэни-хамнаһы торумнуур мунньаҕы ыытта. Реабилитационнай киин салайааччыта Ольга Николаева тутууну ыыппыт тэрилтэ банкрот буолбутун, гарантийнай эбээһинэһин кыайан толорор кыаҕа суоҕун иһитиннэрдэ. Александр Николаевич онуоха өрөмүөн сметатын оҥорон министиэристибэҕэ киллэрэллэригэр сорудахтаата уонна дизельнэй электростанция ылыналларыгар 700 000 солкуобайы биэриэх буолан эрэннэрдэ.
- Миниистир сынньанааччылартан реабилитацияланарга усулуобуйа хайдах тэриллибитин, оттон быраастартан үлэ туох саҥаньымаларын, аппараттары тутталларын туоһуласта. Александр Дружинин ханан да чунуобунньук хаана сыстыбатах, дуоһунаһынан даххаһыйбат, дьон кыһалҕатыгар чугас, норуот салайааччыта эбит диэн санааны үөскэттэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети