Биэдэмистибэ тустаах бэрэстэбиитэлэ үлэ кэмигэр бүтэригэр бигэ эрэллээх. РФ энергиэтигэҕэ миниистирин солбуйааччы Вячеслав Кравченко Дьокуускайга оробуочай сырыытын ЯГРЭС-2 тутулла турар сириттэн саҕалаата.
Саха сирин айылҕатын, климатын уратытыттан сылтаан кыһыҥҥы ыйдарга үлэ биллэ бытаарбыта бэлиэтэнэр. Билигин үлэ далааһыннаахтык барар.
"РАО ЭС Востока" ААО генаральнай дириэктэрэ Сергей Толстогузов эппитинэн, сыл бүтүөр диэри ЯГРЭС тутуута 7 млрд солк. үбүлэниэҕэ. Кини эппитинэн, тутуу бара турар сиригэр турбиннай установкалары аҕалбыттар. «Билигин трейлердэри сүөкүү сылдьаллар. Владивосток пуордуттан массыыналар тутуу бара турар сиригэр кэллилэр. Ити үлэ түмүктэннэ», - диэтэ кини.
Вячеслав Кравченко Благовещенскайдааҕы ТЭЦ сырытта уонна эбийиэк сыл бүтүөр диэри үлэтин саҕалыаҕар эрэнэрин биллэрдэ. Былаан быһыытынан Приморскай кыраайга тутулла турар эбийиэги көрүөҕэ.
Комментарии
Авторизация на сайте через социальные сети