Урут бу холуонньа кулуубун биир муннугар “Арчы дьиэтэ” үлэлиирэ. Кэлин итини кэҥэтэн, туспа дьиэлэнэр туһунан баҕа санаа үөскээбитэ. Ол идиэйэни Табаҕатааҕы холуонньа оччотооҕу начальнига, ис сулууспа полковнига, саха киһитэ Софрон Афанасьев өйөөн, сыыйа олоххо киирэн барбыта. Үгүс мэһэйдэри, араас харгыстары туораан, дьэ, ити күн “Айыы арчыта” аанын аста.
Буруйдарын боруостаан олорооччулар өбүгэлэрин үйэлээх үтүө үгэстэригэр төннөн, сырдыкка тардыһыыларыгар тирэх, көмө буолар аналлаах бу дьиэ тутуллуутугар РФ Накаастабылы толорор федеральнай сулууспатын Саха сиринээҕи управлениетын Уопсастыбаннай сэбиэтэ, “Аар Айыы итэҕэлэ” религиознай тэрилтэ, биирдиилээн депутаттар, предпринимателлэр, тэрилтэлэр улахан көмө буоллулар.
Бу туһунан “Саха сирэ” хаһыат ахсынньы 17 күнүнээҕи чэппиэрдээҕи нүөмэригэр сиһилии ааҕыҥ.
Комментарии
Авторизация на сайте через социальные сети