- - Бу күрэхтэһии Сахабыт сиригэр бастакы тэрээһининэн буолар. Эһиил өссө үчүгэйдик тэринэн ыытыахпыт. Спорт управлениетын салайааччы Юрий Никифоров сонун этиилэрдээх. Уопсайынан, бу тэрээһин бары өттүнэн туһалаах эрэ,- диэн эттэ ДОСААФ Хаҥаластааҕы салаатын бэрэссэдээтэлэ Александр Куприянов.
- Күрэхтүөрт түһүмэхтээх. Ол курдук, оҥочонон «восьмерка» эрчиллиини толоруу, эстафета (сүүрүү, быыһыыр куруугу быраҕыы, харбааһын, эрдинии), оночону биэрэккэ буксуурдааһын уонна түмүктүүр түһүмэҕинэн эмсэҕэлээбиккэ бастакы көмөнү оҥоруу курдук бэрт интэриэһинэй көрүҥнэр киирбиттэр.
- Спорт бу көрүҥэ 1990-с сылларга муҥутаан сайда сылдьыбыт. Биирдиилээн уонна хамаанданан күрэс кыайыылааҕа Валерий Артюшкин ол кэми бу курдук ахтар:
- - Оччолорго күрэхтэһиини И.И.Федоров (ДОСААФ бэрэссэдээтэлэ ), Р.Т.Дмитриев (ГИМС салайааччыта), Н.Н.Шипицын, Г.В.Гребнев курдук олус үчүгэй дьон көҕүлээн тэрийэллэрэ. «Вихрь» мотуордаах оҥочо түргэнэ сүрдээх курдук буолара. Оҕолор улахан дьону батыһа сылдьан көрөллөрө. Күрэс бириистэрэ да үчүгэйэ. Ол саҕана бириискэ сыа балык (тугунок) муҥхатын туруораллара. Киһи барыта ымсыырар мала. Маннык күрэхтэһии ыытыллара наада - дьон мотуордаах оҥочону салайар быраап ылыахтара, уонна, саамай кылаабынайа, дьон ууга дэҥнэниитэ, өлүүтэ аҕыйыа этэ.
- Мотуордаахтар бэрт бэһиэлэй, түмсүүлээх уонна көхтөөх-көрдөөх дьон эбиттэр.Бастакы тэрээһин кыайыылааҕынан «Ураган» хамаанда (В.В.Березкин, Н.Н.Попов, Ю.Н.Попов) буолла Иккис миэстэҕэ «Белая акула» (Н.В.Шалагин, В.П.Шалагин, Д.Б.Козлов) таҕыста, үһүскэ «Бегущие по волнам» хамаанда тигистэ. Кыайыылаахтар грамоталарынан, мэдээллэринэн уонна кубоктарынан наҕараадаланнылар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети