ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
14 октября 2015, 14:56

Уруккуну утумнаан


Ааспыт бээтинсэҕэ С.А. Зверев-Кыыл Уола музейын дьиэтигэр Сунтаар улууһун сэдэх экспонаттарын быыстапката үөрүүлээх аһыллыыта буолла. Бу быыстапка ахсынньы 19 күнүттэн балаҕан ыйын 25 күнүгэр диэри Дьокуускай куорат Национальнай художественнай музейын саалатыгар «Саха сирин сэдэх экспонаттара: Сунтаар улууһа» диэн ааттанан көрдөрүүгэ турбута. Быыстапкаҕа Сунтаар улууһун нэһилиэктэрин 13 музейыттан, уопсайа, 250-тэн тахса экспонат хомуллубут.

Манна XVI үйэттэн саҕалаан оҥоһуллубут, дьиэҕэ-уокка туттуллар туос иһиттэр, чорооннор, кытыйалар, үрүҥ көмүстэн оҥоһуллубут ыҥыырдар, кымньыылар, дьахтар былыргы үрүҥ көмүс киэргэлэ, о.д.а. сэдэх экспонаттар бааллар.

Дмитрий Константинович Осипов, С.А. Зверев аатынан музейнай комплекс дириэктэрэ:

– Национальнай художественнай музейга быыстапка туруоран кэлбиппит. Кинилэр «Саха сирин сэдэх экспонаттара» диэн сериялаахтар. Манна 4 улуус быыстапката турбута. Сунтаар улууһун 13 музей көрдөрдө. Элгээйи «Туойдаах алаас» музейын экспонаттара, атын да нэһилиэк экспонаттара улахан сэҥээриини ыллылар. Тоҕо диэтэр, ханна даҕаны итинник оҥоһуулаах балхахтар (кытыйалыы быһыылаах үс атахтаах намыһах чороон), чорооннор даҕаны билигин суохтар. Биллэр учуонай, историческай наука доктора А.Н. Алексеев, гуманитарнай чинчийии институтун дириэктэрэ уонна да атын учуонайдар Дьокуускайга быыстапка аһыллыытыгар кэлэ сылдьыбыттара. Аны, Национальнай художественнай музей бу экспонаттары аӨардас көрдөрүүгэ туруорбакка, алдьанан эрэр, эргэрбит экспонаттары реставрациялаата, ол аата чөлүгэр түһэрдэ, тупсаран, үйэтин уһатан биэрдэ. Маны тэҥэ, бу быыстапка нөҥүө «Раритеты Якутии: Сунтарский улус. Художественное наследие» диэн научнай альбом-каталог Москубаттан айаннаан иһэр. Бу каталог улахан үлэ түмүгэ буолар, манна хас биирдии экспонат барыта киирдэ. Ити курдук биир быыстапкаҕа кыттан, элбэҕи ситистибит.

        

 

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 669 Источник: ЯСИА Автор: Туйаара Корякина Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ