Бу программа чэрчитинэн урбаанньыттар, бааһынай хаһаайыстыбалар, хааччахтаммыт эппитэтинэстээх уопсастыбалар дьарыктаах буолуу киинин кытта түһэрсиллибит дуогабарга олоҕуран, олорор нэһилиэктэригэр үлэ ыыталларыгар үбүлээһин көрүллэр. Инники сылларга дуогабар болдьоҕо 3 ый буоллаҕына, билигин 1 ыйга илии баттаһан үлэлииллэр.
Чаппанда нэһилиэгэр бу программанан ынах уулуур маарын сөргүтэр үлэ ыытыллыбыт. Уолан эрэр маарга халаан, ардах уутун тохтотон, 50 миэтэрэ чугаһынан хаппыт мастары солоон манна ынах сүөһү уулууругар табыгастаах сир оҥоһуллуохтаах. Маны сэргэ сайыӊӊы кэмҥэ чугастааҕы ыаллар оҕуруоттарыгар куттар ууланаллара ситиһиллиэхтээх.
Маны таһынан, эмиэ бу программа үбүлээһининэн, чаппандалар «Бүлүү» федеральнай трасса 776 биэрэстэтигэр уоттаах сэриигэ ыҥырыллан баран иһэр биир дойдулаахтара тохтоон сынньанан ааспыт сирдэригэр буойуттар ааттара суруллубут өйдөбүнньүк бэлиэ туруоруллар сирин күрүөлээн бэлэмнээбиттэр.
Онон бу программа оройуон нэһилиэктэрин уопсастыбаннай тэриллиилэрин биһирэбиллэрин, дьаһалта өттүттэн өйөбүлү ылан, салгыы кэҥиир кэскиллээх.
Комментарии
Авторизация на сайте через социальные сети