Тэрээһиҥҥэ Хаҥаластан, Намтан, Жатайдан, Тулагыттан, Табаҕаттан, Хатастан, Пригороднайтан — барыта 50 киһи кыттыыны ылла. Нам улууһун ыччаттара эмиэ туора турбакка көхтөөх кыттыыны ыллылар. Сарсыарда сэттэ чаастан Юлия Жергина, Римма Бурнашева, Анна Созонова, Елена Алексеева, Петр Павлов уонна Петр Васильев кыраныыссаҕа диэри бэлисипиэтинэн айаҥҥа туруммуттара. Кыраныыссаҕа кинилэри Дьокуускай делегацията көрүстэ. Манна Юлия Жергина РФ былааҕын тэрээһин кыттыылаахтарыгар туттарда. Онтон кэлэн улууска ыытыллыбыт бырааһынньыктааҕы тэрээһиҥҥэ, Доҕородоһуу болуоссатыттан М.К. Аммосов аатынан болуоссакка диэри парадтаан хаамыыга көхтөөх кыттыыны ыллылар.
«Ленскэй нэһилиэк» МТ баһылыгын социальнай боппуруостарга солбуйааччы Андрей Бочкарев, Нам улууһун дьаһалтатын ыччат уонна дьиэ кэргэн политикатын управлениетын кылаабынай специалиһа Юлия Жергина мустубут дьону эҕэрдэлээн тыл эттилэр. Тэрээһин кыттыылаахтара кыһыл, маҥан, халлаан күөх өҥнөөх шариктары мэҥэ халлааҥҥа ыыттылар.
Бу бэлиэ күн Нам эдэр специалистара Хаҥалас улууһун эдэр специалистарын кытта уопут атастаһан, билиилэрин хаҥатан, саҥаны билэн-көрөн, бэйэлэрин уопуттарын тарҕатан кэллилэр.
Комментарии
Авторизация на сайте через социальные сети