Оннук курдук бүгүн, ахсынньы 2 күнүгэр, Өксөкүлээх Өлөксөй аатынан Норуоттар доҕордоһууларын дьиэтигэр Үөрэх министиэристибэтэ, национальнай оскуолаларын чинчийэр институт, М.К.Аммосов аатынан ХИФУ Педагогическай институтун уонна Этнокултуурнай үөрэхтээһин А.Д.Семенова аатынан учебнай-научнай лабораториятын тэрийиилэринэн “Олоҥхо педагогиката – үөрэх-иитии тиһигэр” диэн научнай-практическай кэмпириэнсийэ үлэтин саҕалаата.
Кэмпириэнсийэни Саха Өрөспүүбүлүкэтин Олоҥхо 10 сылын тэрийэр национальнай комитет бэрэсэдээтэлэ Александр Жирков уонна Ил Түмэн наукаҕа, үөрэхтээһиҥҥэ, култуураҕа сис комитет бэрэсэдээтэлэ Антонина Григорьева эҕэрдэлэринэн аһылынна. Манна Саха сирин араас муннуктарыттан үөрэх тэрилтэлэрин үлэһиттэрэ үлэлэрин, бырайыактарын көмүскээри муһуннулар.
Кэмпириэнсийэ 3 түһүлгэнэн үлэлиир:
1 түһүлгэ: Олоҥхо педагогиката – оскуола иннинээҕи үөрэхтээһин тиһигэр.
2 түһүлгэ: Олоҥхо педагогиката – уопсай үөрэхтээһин тиһигэр.
3 түһүлгэ: Олонхо педагогиката идэни биэрэр үөрэх тиһигэр.
Комментарии
Авторизация на сайте через социальные сети