ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
23 декабря 2015, 10:36

Нэһилиэк баһылыктара күүскэ үлэлэһэллэрэ ирдэнэр


Соторутааҕыта СӨ Тыа хаһаайыстыбатын сүбэлиир-иһитиннэрэр методологическай киинин специалистара тыа хаһаайыстыбатын сайыннарыыга туһуламмыт программалары кытары билиһиннэрэ Сунтаарга кэлэ сырыттылар. Киин генеральнай дириэктэрин солбуйааччы Степан Стручкову кытары көрсөн, улууска сырыыларын туһунан ыйыталыстым.

- Быйыл барыта 24 улууска сырыттыбыт. Сунтаарга Киин генеральнай дириэктэрэ П.И. Старостин, экономист В.Д. Саввин, юрист В.С. Никифоров, консультант М.М. Саввина, атыы-эргиэн колледжын преподавателлэрэ В.Н. Томская уонна М.А. Алексеева буолан нэһилиэктэргэ сырыттыбыт. «Саҥа саҕалааччы фермер», «Дьиэ кэргэнинэн сүөһү көрөөччү» программаларынан үлэлэһиэн баҕалаах дьону кытары көрүстүбүт. Кооператив тэринэргэ туох наадатын, үлэни хайдах саҕалыахха сөбүн туһунан кэпсээтибит.

Бу программаларынан 2012 сылтан өрөспүүбүлүкэ үрдүнэн 422 хаһаайыстыба тэриллэн үлэлиир. Сунтаар улууһа бу хамсааһыҥҥа саҥа үлэлэһэн эрэрин бэлиэтиэххэ наада. Түөрт сыл устата улууска 13 эрэ хаһаайыстыба тэриллибит.

Программалар тустарынан сиһилии билэн баран, кэлэр сылтан дьон хаһаайыстыба тэринэргэ турунуохтара, улахан куонкурус буолуо дии саныыбын. Нэһилиэк баһылыктара манна күүскэ үлэлэһиэхтэрин, дьиэ-уот тэринэр, хотон туттар, сылгы иитэр усулуобуйа тэрийиэхтэрин наада. Билигин тыа сиригэр сылгы, ынах иитиитигэр, толору хааччыллыылаах дьиэ-уот тутуутугар улахан үлэ барар.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 593 Источник: ЯСИА Автор: Туйаара КОРЯКИНА. Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ