Мунньаҕы Сэбиэт салайааччыта, Устье нэһилиэгин баһылыга Александр Попов ыытта. Улуустааҕы баай-дуол сыһыаннаһыытын кэмитиэтин салайааччыта Семен Саморцев, сүрүннүүр специалист Сардаана Ксенофонтова, сир боппуруоһугар урбаанньыт Алек-сандр Петров, улууска нэһилиэктэри кытары үлэлиир сүрүннүүр спе-циалист Алексей Корякин кытыннылар. Мунньах төгүрүк остуол бэрээдэгинэн барда. Баһылыктар мунаарар боппуруостарыгар сөптөөх эппиэттэри ыллылар. Элбэх этии, кэпсэтии буолла. Мунньах түмүгүнэн уураах ылылынна:
1. Элбэх сир межеваниета, кадастровай былаана суоҕунан, нэһилиэк землеустроителлэрэ докумуоннара суох сирдэри реестрдээн улууска түмэргэ (б.дь. сэтинньи 20 күнүгэр диэри). Нэһилиэнньэҕэ өйдөтүү үлэтин ыытан, сир оҥоһуутунан дьарыгырар тэрилтэлэри нэһилиэктэринэн сыһыартаан түргэн кэм иһинэн сирдэри докумуоннуурга.
2. «Технокарт» электроннай систематыгар киирэргэ уонна онон үлэлииргэ.
3. Докумуоннар хамсааһыннарын түргэтэтэр сыалтан нэһилиэк дьаһалталара «Усиленнай ЭЦП» ыларга.
4. Нэһилиэктэр төһө кыалларынан харыстыыр сирдэрин сайаапка биэрэн, «Особо-охраняемые природные территории» ООПТ диэн докумуон оҥорторуохтарын наада.
5. Сир сокуонугар эбии уларыйыылары, онно сыһыаннаах сокуоннар, дьаһаллар, балаһыанньалар тахсыыларын күүскэ кэтииргэ, сөптөөх миэрэлэри ыларга.
6. Сир боппуруостарыгар арыый сөптөөхтүк дьаһанан олорор улуустарга (Ленскэй улууһа) опыт атастаһа барарга.
Комментарии
Авторизация на сайте через социальные сети