Алтынньы 31 күнүгэр Өлөөн бөһүөлэгиттэн хотугулуу-арҕаа 220 км тэйиччи сиргэ чааһынай бас билиигэ баар, чэпчэки мотуордаах «Птенец-2» сууллубута биллибит. 2 киһилээх самолет ыстаадаҕа таба ахсаанын ааҕар соруктаах көппүт уонна тохтуурга күһэллибит. Ити туһунан ЫБММ управлениетыгар иһитиннэрии киирбит.
Иэдээҥҥэ түбэспит дьону быыһыы Мииринэй оройуонун Полярнайыттан МИ-8 вертолет тиийбит.
"Эмсэҕэлээбит, алдьаммыт самолету быыһааччылар булбуттар. Көтөр аалга баар дьону Өлөөҥҥө аҕалбыттар. Хойутуу соҕус пилот олоҕо быстыбыт", - диэн СИА-ҕа Россия ЫБММ Саха сиринээҕи управлениетыттан эттилэр.
Комментарии
Авторизация на сайте через социальные сети