Оттон быйыл Өлөөммүтүгэр кэлэн айылҕа харыстабылыгар туһуламмыт үлэни-хамнаһы кытта билсэн, хотугу ураты айылҕабыт ытык кэрэ сирдэригэр “Бэкэ” республикатааҕы суолталаах ураты харыстанар резерватыгар сылдьан, булчуттардыын кэпсэтэн, кэрэ айылҕабытын араҥаччылыыр ураты суолталаах соругу олохторун сыала оҥостубут дьоннуун кэпсэтэн кэллибит. Ол курдук СР айылҕа харыстабылын министиэристибэтин кылаабынай специалиһа Иван Сыромятников, Өлөөннөөҕү айылҕа харыстабылын инспекциятыттан Клавдия Дмитриева итиэннэ инспекция тустаах специалистара, биир идэлээхтэрим “Байдам” урбаанньыттар сурунаалларын редактора Петр Иванов, “Кэскил”, “Юность Севера” оҕо бэчээтин старшай фотокорреспондена Василий Пак, ТЦТР “Охота и рыбалка в Якутии” видеоператора Алексей Новгородов республика хаһыаттарыгар, сурунаалларыгар, телевидениеҕэ анал биэриилэри оҥоруохтара, хаһыаттарга сырдатыахтара.
Бу курдук бээтинсэ киэһэ көтөн кэлээт, субуота сарсыарда 10 чаастан улуус баһылыга Александр Степановичтыын көрсөн сыалы-соругу кэпсээтибит. Баһылык Өлөөн улууһун территорията барыта ураты харыстанар сирин, нэһилиэнньэ олоҕун-дьаһаҕын, булт-алт дьарыктааҕын, атыы-эргиэн сайдыытын, промышленность өтөн киирбитин, инникитин экотуризм хайысхатыгар үлэлэһэр баҕалаахпытын кэпсээтэ. Салгыы бары тэринэн, фотоаппараттарынан, камеранан сэбилэнэн түөрт мотуоркаҕа олорон “Бэкэ” республикатааҕы ресурснай резерватка айаннаатыбыт.
Комментарии
Авторизация на сайте через социальные сети