А.Д. Кривошапкин өрөспүүбүлүкэҕэ быыбар хампаанньатын хаамыытын сырдатта. Кини баһаарынай сулууспаны, бэрээдэги хонтуруоллуур тэрилтэни кытта бииргэ үлэлиир туһунан боппуруостары быһаарыста. ИДьМ Орто Халыматааҕы отделын начаалынньыга С.Е.Бережнов быыбар кэмигэр бэрээдэги көрүүгэ участковайдары сэргэ сорох нэһилиэктэргэ дружинниктар үлэлиэхтэрэ диэн эттэ.
Быыбар тэрээһиннэригэр хамыыһыйа бэрэссэдээтэлэ С.А.Третьякова кылгас иһитиннэрии оҥордо:
- Олохтоох бэйэни салайыныы дьаһалтатын баһылыгар туруоруммуттартан 1 кандидат уһулунна. Балаҕан ыйын 2 күнүнээҕи туругунан, ыраах уонна тиийэргэ ыарахаттардаах сирдэртэн Сиэн Күөл нэһилиэгэр — 5, Иккис Мээтис нэһилиэгэр — 18, Бастакы Хаҥаласка — 29 киһи куоластаата“, — диэтэ.
А.Д. Кривошапкин уонна А.В. Власов Налимскайга тахсан быыбардыыр хамыыһыйа үлэтин кытта билистилэр. Быыбар ыытыллар миэстэтин, кандидаттарга аналлаах стендэни, докумуоннар толоруллууларын сиһилии көрдүлэр, чилиэннэргэ сүбэ-ама биэрдилэр.
- Урукку сылларга Орто Халыма улууһугар быыбар үрдүк таһымнаахтык барар этэ. Билигин эмиэ быыбарга бэлэмнэнии үчүгэй диэн быһаардыбыт. Баһылыктар уонна депутаттар кандидаттарыгар альтернатива баар. Онон быыбар үрдүк таһымнаахтык ыытыллыа диэн эрэллээхпит, — диэтэ Анатолий Кривошапкин.
Комментарии
Авторизация на сайте через социальные сети